Fjalori

Rezultate në përkufizime për “frenues”

Mëso si ta përdorësh
<<< Kthehu te kërkimi kryesor në fjalor

ANTAGONIST

ANTAGONÍST,~I m. sh. ~Ë, ~ËT 1. libr. Kundërshtar i papajtueshëm i dikujt; ai që ka qëndrim të kundërt a kundërshtues ndaj dikujt apo diçkaje. Ai është antagonist. Antagonisti në dramë.
2. vet. sh. fiziol. Organe të trupit (si muskujt) që kryejnë veprime e funksione krejt të kundërta me organe të tjera. Antagonist muskulor. Antagonist i receptorëve.
3. farm. Lëndë a bar që pengon ose bllokon veprimin e një lënde tjetër te një receptor etj.; frenues, bllokues. Antagonist (lëndë, bar) farmakologjik. Antagonistë kundërbakterorë.
✱Sin.: kundërshtar, konkurrent, rival, oponent, armik, frenues, bllokues.

FRENUES

FRENÚES,~E mb. 1. Që shërben për të ndaluar ose për të ngadalësuar me anë të frenave lëvizjen e një makine a të një mjeti tjetër lëvizës. Mekanizëm frenues.
2. fig. Që e mban në vend dikë a diçka, që nuk e lë të shkojë më përpara; që e pengon a e ngadalëson zhvillimin e përparimin e dikujt a të diçkaje. Qëndrim frenues. Pikëpamje frenuese.
✱Sin.: ndalues, ngadalësues, pengues, topitës, shtrëngues.

MBYTËS

MBÝTËS,~E mb. 1. Që të zë frymën, që të mbyt, që të asfikson. Gaz (lëng) mbytës.
2. Që përdoret për të mbytur një kafshë a kandërr; vrasës. Enë mbytëse.
3. Që është i ashpër, pa lëng e mezi kapërcehet, që të mbetet në fyt (për disa pemë). Dardhë (hurma) mbytëse. Vadhëza (gorrica) mbytëse. Mos janë mbytëse?
4. fig. Që të zë frymën, që të mbyt. Vapë (zagushi, lagështi, mjegull) mbytëse. Pluhur mbytës. Në zhegun mbytës. Afsh mbytës.
5. fig. I mbushur me një ndjenjë a gjendje emocionale që të merr frymën, shumë i fortë, shumë i madh. E pushtoi një dhimbje mbytëse. Pa një shpresë midis pikëllimit mbytës të atyre ditëve. Një mllef mbytës i shtrëngonte gjoksin.
6. fig. Që s’të lë të shkosh përpara, që të shtyp; që ngushton ose kufizon lirinë a veprimtarinë e dikujt; që pengon zhvillimin e lirë të diçkaje; shtypës, frenues. Mjedis mbytës. Atmosferë mbytëse. Qëndrim mbytës. Arrogancë (mospërfillje, trysni) mbytëse. Përpjekje mbytëse të iniciativës së lirë.
✱Sin.: asfiksues, frymëzënës, vrasës, i zagushishëm, i fortë, i madh, shtypës, frenues.

MBYTËS

MBÝTËS,~I m. sh. ~, ~IT 1. Ai që merret me mbytjen e kafshëve. Mbytës qensh.
2. Ai që vret dikë tjetër duke e mbytur; vrasës. Kush ishin mbytësit e tij?
3. Mjet a pajisje që shërben për të mbytur zhurmën; silenciator. Mbytës i zhurmave.
4. Ai që pengon zhvillimin e lirë të diçkaje; ai që përpiqet të mbajë të tjerët të shtypur e të nënshtruar duke ua hequr të drejtën e fjalës, të shprehjes së lirë të mendimeve etj.; shtypës. Mbytësit e lirisë. Mbytës i kritikës.
✱Sin.: vrasës, silenciator, shtypës, frenues.

NDALIMOR

NDALIMÓR,~E mb. Që të ndalon të bësh diçka, që të pengon, ndalues.
✱Sin.: frenues, pengues, bllokues, ndalues.

NDALUES

NDALÚES,~E mb. 1. Që nuk lejon të bëhet diçka, pengues. Ligj ndalues. Masa ndaluese. Kritere ndaluese. Dispozitë ndaluese. Nen ndalues.
2. Që mban në vend a që nuk lejon të lëvizë diçka. Dhëmbi ndalues (tek.). Llastik ndalues (i gjakut).
✱Sin.: frenues, pengues, bllokues, ndalimor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë