Fjalori

Rezultate në përkufizime për “formues”

Mëso si ta përdorësh
<<< Kthehu te kërkimi kryesor në fjalor

EDUKUES

EDUKÚES,~E mb. Që ka të bëjë me edukimin a me edukatën; që edukon; kund. çedukues. Punë edukuese. Libër (roman, film) edukues. Me qëllim edukues. Vlerat artistike dhe edukuese. Përrallat mund të shërbejnë dhe si mjet edukues.
✱Sin.: arsimues, formues, zhvillues, kulturues.

FORMUES

FORMÚES,~E mb. 1. tek. Që i jep formën diçkaje. Makinë formuese. Stampë formuese.
2. edhe fig. Që shërben për të edukuar dikë dhe për ta pajisur me një botëkuptim të caktuar. Lëndë formuese. Ka qëllim formues. Lodra (lojëra) formuese.

FORMUES

FORMÚES,~I m. sh. ~, ~IT tek. Lloj çekiçi që përdoret për t’i dhënë formën e duhur një metali a një detali, duke e vënë mbi të e duke e goditur me vare; shkelës. Formues i thjeshtë. Renditi formuesit.

SHKELËS

SHKÉLËS,~I m. sh. ~, ~IT 1. Ai që shkel a dhunon një normë ligjore, shoqërore, morale etj.; dhunues. Shkelës i ligjit (i vendimit). Shkelës i besnikërisë bashkëshortore. Shkelës i vullnetit të popullit. Shkelës i traditave kombëtare. Shkelës i normave gjuhësore.
2. hist. Ai që para viteve ‘90 kapërcente në mënyrë të fshehtë e të paligjshme kufirin shtetëror të një vendi. Shkelës kufiri. Shkelësin e identifikuan nga larg.
3. Ai që shkel si pushtues një vend të huaj. Shkelësi i huaj. Shkelës i dhunshëm.
4. Mjet për të shtypur a për të ngjeshur rrushin, duhanin etj. gjatë përpunimit. Shkelësi i rrushit. Shkelësi i duhanit.
5. Vegël e farkëtarit me katër qoshe, e sheshtë dhe nga njëra anë më e gjerë, që shërben për të rrafshuar një hekur të skuqur. Shkelës prej çeliku.
6. Çekiç që përdoret për t’i dhënë formën e duhur një cope metali a një detali; formues. Përdori shkelësin për metalin që kishte në dorë.
7. vjet. Lajmës, shkelbaltës. Kishte ardhur shkelësi për të parë vajzën.

THEMELUES

THEMELÚES,~I m. sh. ~, ~IT Ai që themelon diçka, krijuesi a organizuesi i parë i diçkaje, ai që ka hedhur themelet i pari për një gjë. Themeluesi i qytetit. Themeluesi i organizatës (i shoqërisë) patriotike. Themeluesit e Ushtrisë Çlirimtare të Kosovës.
✱Sin.: krijues, themelvënës, formues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë