Fjalori

Rezultate në përkufizime për “fodulle”

Mëso si ta përdorësh
<<< Kthehu te kërkimi kryesor në fjalor

BEGENIS

BEGENÍS vep., ~A, ~UR bised. 1. kal. Pres një tjetër, zakonisht të një shkalle më të ulët, duke i bërë nderet; i bëj dikujt një vizitë për ta nderuar. - S’na begenisi fare!
2. kal. Pranoj të kem marrëdhënie me dikë që qëndron në një shkallë më të ulët se unë, sillem i afërt e i thjeshtë me të; pranoj diçka që e quaj më poshtë se shkalla ime; e përfill. Begenis shokët. Begenis më të vegjlit. Ia begenis fjalët. Floririn që të dërgova, / Më thanë s’e begenise, / Moj çupë fodulle. (folk.).
3. iron., jokal. Pranoj të bëj diçka a të merrem me dikë megjithëse e quaj të papërshtatshme për shkallën time; denjoj. Nuk begenis të flasë. As begenisi t'i hidhte një vështrim. U shkriva si bora në shkëmb, / Begenis, fole një fjalë! (folk.).

MENDJEMADHE

MENDJE/MÁDHE,~MÁDHJA f. sh. ~MËDHÁ, ~MËDHÁTË Ajo që është mendjemadhe; ajo që sillet si mendjemadhe. Mendjemadhja e klasës. I vinte rrotull njëfarë mendjemadheje.
✱Sin.: megalomane, krenare, kokëpërpjetë, kryepërpjetë, dënglamadhe, hundëpërpjetë, hundëderre, fodulle, bishtpërpjetë.

PEÇERUKE

PEÇERÚK/E,~JA f. sh. ~E, ~ET Mendjemadhe, fodulle.

QAFKË

QAFK/Ë,~A f. sh. ~A, ~AT Qafë. Kruan qafkën. Qafkën rrathë-rrathë, / Ç’mbahesh kaq fodulle? (folk.).

QIBARE

QIBÁR/E,~JA f. sh. ~E, ~ET bised. 1. Ajo që është shumë e kujdesshme dhe e zgjedhur në të ngrënë e në të veshur; qibërtare, sqimatare. Qibarja zgjedh me kujdes modelin e fustanit.
2. Ajo që mbahet për të madhe; për të zgjuar; për të pastër; fodulle. -Mos u bëj qibare, se nuk të shkon!
✱Sin.: qibërtare, sqimatare, kryelartë, krenare, mendjemadhe, fodulle, mburravece.

SQIMATARE

SQIMATÁR/E,~JA f. sh. ~E,~ET 1. Ajo që pëlqen të vishet bukur e pastër dhe në mënyrë të zgjedhur, që kujdeset për veshjen e për pamjen e jashtme. Veshja e sqimatares i ra në sy gjithë të pranishmëve.
2. Ajo që kërkon të duket e të dalë përmbi të tjerët, i jep shumë rëndësi vetes ose ka mendim tepër të lartë për vetveten; kryelartë, mendjemadhe. Sjellja prej sqimatareje e kishte vënë disa herë në pozitë të vështirë. Foli edhe kjo sqimatarja, - tha me përçmim gruaja e moshuar.
✱Sin.: kryelartë, krenare, mendjemadhe, fodulle, hundëmadhe, hundëpërpjetë, hundece, hundaçe, cakërrane, qibare, qibërtare, dënglamadhe.

TANGËRLLËKSE

TANGËRLLË́KS/E,~JA f. sh. ~E, ~ET keq. Ajo që shet tangërllëk a dëngla; fodulle, mendjemadhe. Është tangërllëkse e madhe.
✱Sin.: dënglamadhe, fodulle, mendjemadhe.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë