Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AJRÍM,~I m. 1. Veprimi kur ajroj ose kur ajrohet një mjedis etj.
2. Mbushja me ajër të freskët e një mjedisi të mbyllur; ndërrimi i ajrit. Ajrimi i shtëpisë. Ajrimi i qilimave. Ajrim i drithit. Ajrim i mushkërive. Dritare ajrimi. Bëj ajrimin. Niveli i ajrimit.
3. Rrymim i ajrit. Hapësirë ajrimi.
4. bujq. Krasitje a rrallim i degëve e i gjetheve të një peme për të marrë ajër më mirë. Ajrimi i hardhisë.
5. shtyp. Rrallim i shkronjave e i hapësirave. Ajrimi i titullit të romanit.
6. bujq. Shkrifërimi i tokës që të marrë ajër. Ajrimi i tokës.
7. fig. Flladitje. Ajrim i shpirtit (poet.).
✱Sin.: ajrosje, ajrisje, freskim, rrymim, ajërndërrim, krasitje, shkrifërim, flladitje.
FRESKÍ,~A f. 1. Të qenët i freskët; gjendje e freskët. Freskia e ajrit (e ujit). Freskia e pranverës. Sjell freski. Ndiej freski.
2. Erë e lehtë dhe e freskët, fllad i freskët. Fryn freski.
3. fig. Diçka origjinale dhe e gjallë, që shfaqet në mënyrë të këndshme e tërheqëse dhe të jep kënaqësi. Freskia e krijimitarisë. Freskia e jetës.
✱Sin.: fresk, fllad, flladitje, teferiç, puhi.
FRESKÍM,~I m. sh. ~E, ~ET 1. Veprimi kur freskojmë a kur freskohemi; të bërët freskët; rënie e vapës; freski. Freskimi i motit (i dhomës). Freskimi i mbrëmjes (i natës).
2. Prehje në vend të mbrojtur, qëndrim në vend të mbrojtur nga vapa; larje me ujë të ftohtë për të marrë fresk. Freskimi i duarve me ujë.
3. Përtëritje dhe ringjallje e forcave fizike të dikujt, këndellje; çlodhje. Freskimi me gjumë.
4. fig. Përtëritje në kujtesë e diçkaje nga e kaluara; ripërtëritje me të dhëna më të reja, gjallërim. Freskim i kujtimeve (i dijeve).
✱Sin.: freski, flladitje, këndellje, çlodhje.
FTÓHJ/E,~A f. sh. ~E, ~ET 1. Ulje e temperaturës (së mjedisit etj.). Ftohja e ujit. Ftohja e motit. Sistem ftohjeje me çiller (me kondicioner).
2. bised. E ftohur, të ftohtë. Ka marrë ftohje në mushkëri.
3. Prishje e marrëdhënieve miqësore me një tjetër; pakësim i dëshirës, vullnetit a vrullit të dikujt për një punë. Ftohja e marrëdhënieve.
✱Sin.: flladitje, e ftohur, të ftohtë, plevitosje, plevit, qetësim, shuarje.
PËRTËRÍTJ/E,~A f. sh. ~E, ~ET 1. Veprimi kur përtërit ose kur përtëritet dikush a diçka. Përtëritja e lëkurës. Përtëritja e licencës. Përtëritja e organeve drejtuese të partisë (të ministrisë). Është koha e përtëritjes.
2. Gjendja kur përtërit ose kur përtëritet dikush a diçka. Ndihet përtëritja në çdo cep.
✱Sin.: rinim, përmirësim, këndellje, shërim, freskim, rifreskim, gjallërim, shkundje, çndryshkje, flladitje, fuqizim, forcim, lulëzim, zbukurim, hijeshim, ringjallje, rishfaqje, rilindje.
VENTILÍM,~II m. sh. ~E, ~ET 1. Veprimi kur ventiluar një vend. Ventilimi i dhomës. Ventilimi i të lashtave.
2. tek. Sistemi i pajisjeve e mekanizmave që përdoren për të freskuar a ajruar një vend të mbyllur ose për të pastruar grurin, misrin etj., sistem i ajrimit, ajrosjes. Mungon ventilimi. Bënë (instaluan) një ventilim.
✱Sin.: ajrim, freskim, ftohje, flladitje.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë