Fjalori

Rezultate në përkufizime për “flesh”

Mëso si ta përdorësh
<<< Kthehu te kërkimi kryesor në fjalor

FLESH

FLESH,~I m. sh. ~E, ~ET 1. Shkëndijë drite e çastit që shkreptin në aparatin fotografik, në telefonin celular etj. Ndenjën drejt kur u shkrep fleshi i aparatit.
2. Blic. Montoi fleshin në aparatin fotografik.
3. Lajm i shkurtër e i shpejtë për ngjarje në zhvillim e sipër. Dëgjoj fleshin e mëngjesit.
4. kompj. Pajisje elektronike e vogël ku hidhen të dhëna për t’u transferuar në pajisje të tjera elektronike për t’u përdorur sa më shpejt dhe sa më lehtë. Mori fotografitë dhe videot me një flesh.

FLIHET

►FLÍHET jovep. 1. v. III (me një trajtë të shkurtër të përemrit vetor në r. dhanore) Më vjen gjumë. Nuk i flihet më.
2. (edhe fig.) Mund të flesh; bëhet gjumë. Në atë bujtinë flihet mirë.

FORMATUESHËM

FORMATÚESH/ËM (i), ~ME (e) mb., kompj., inf. Që mund të formatohet. Flesh i formatueshëm.

GJUMËDHËNËS

GJUMËDHË́NËS,~E mb. 1. Që të bën të flesh, që të vë në gjumë; gjumëndjellës. Ilaç gjumëdhënës.
2. Që ndjell gjumë; që të bën të flesh. Mjedis gjumëdhënës.
✱Sin.: gjumësjellës, hipnotik, gjumëndjellës.

GJUMËNDJELLËS

GJUMËNDJELLËS,~E mb. Që të ndjell gjumë, që të bën të flesh; gjumëdhënës.

INCIZOJ

INCIZ/ÓJ vep., ~ÓVA, ~ÚAR kal. 1. Regjistroj në pllakë gramafoni, në disketë, në disk, në flesh etj. këngë, fjalime, biseda etj. Incizoj këngët (fjalimin). Incizoj në një pllakë gramafoni. Incizoj me celularë.
2. Pres pak lëkurën në sipërfaqe, hap pak një plagë me të prerë; shënoj me të prerë një vijë në lëvoren e një druri.
3. Bëj vija të thella kur gdhend ose kur skalit diçka në dru etj. Incizoj në dru. Incizoj qeramikën.
✱Sin.: regjistroj, pres.

NXEME

NXÉM/E,~JA (e) f. sh. ~E, ~ET (të) krahin. 1. Ngrohje e shpejtë pranë zjarrit a diçkaje tjetër që shërben për t’u ngrohur. Merre një të nxeme para se të flesh.
2. fig. Gjendje e acaruar e nervoze. Jo me të nxeme, le ta diskutojmë dhe një herë.

PAFORMATUAR

PAFORMATÚAR (i, e) mb. Që nuk është i formatuar; që nuk është formatuar; kund. i formatuar. Faqe e paformatuar. Libër i paformatuar. Disk (flesh) i paformatuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë