Fjalori

Rezultate në përkufizime për “flashkur”

Mëso si ta përdorësh
<<< Kthehu te kërkimi kryesor në fjalor

FISHKUR

FÍSHKUR (i, e) mb. 1. Që ka humbur njomësinë, që ka humbur ngjyrën, shkëlqimin a bukurinë; i venitur; që është rrudhur e është dobësuar. Gjethet e fishkura ranë. Kishte fytyrë të fishkur. Iu bënë duart të fishkura.
2. fig. Që ka humbur forcën e gjallërinë, që ka humbur gëzimin; i mpitë, i venitur. I foli me zemër të fishkur.
3. fig. Që ka humbur forcën e mëparshme, i dobësuar, i zbutur, i zbehur. Ishte i fishkur në ditët e fundit të jetës.
✱Sin.: i fishkët, i vyshkur, i vyshkët, i venitur, i tharë, i flashkur, i eshkosur, i mpirë, i rrapshtenjtë, i përtharë, fishkaraq, plakarec, i rrudhur, i rrudhosur, i rreshkur, i rreshkët, rreshkataq, rrufak, i eshkët, i eshkosur, i zhubrosur, i qullosur, i dobësuar, i zbehur, i rrëgjuar.

FLASHK

FLÁSHK vep., ~A (u), ~UR kal. 1. Fishk. Dielli flashku bimët.
2. v. III Ia pret fuqinë, e bën ta lëshojë veten. Jeta me vuajtje e kishte flashkur.
✱Sin.: fishk, sqaq, zgërlaq, shkalit, squll.

FLASHKUR

FLÁSHKUR (i, e) mb. Që është flashkur. Me fytyrë të flashkur.

LIGUR

LÍGUR (i, e) mb. I dobësuar nga të pangrënët, nga një sëmundje etj., i hequr, i tretur. Kafshë e ligur. Me trup shumë të ligur.
2. I sëmurë.
✱Sin.: i ligësuar, i ligët, i ligështuar, i dobësuar, i tretur, i stërkeqët, i sqaqur, i molisur, i flashkur, i shkalafitur, i shkalitur, i grymosur, i sëmurë, i pafuqi, i pafuqishëm, i tukequr, i tukeqmë, shëndetdobët, shëndetlig, shëndetpakë.

SHKALITUR

SHKALÍTUR (i, e)I mb. Që është shkalitur nga lodhja apo nga diçka tjetër; i shkrehur, i dobësuar. Fëmijë i shkalitur. Ishte mjaft i shkalitur atë mëngjes.
✱Sin.: i dobësuar, i shkrehur, i ligështuar, i hequr, i flashkur.

SQAQUR

SQÁQUR (i, e) mb. 1. I zbutur e i bërë si qull, i squllët. Mish i sqaqur. Bukë e sqaqur.
2. Që është ligështuar shumë dhe i varen mishrat, i squllur; fig. që është lodhur shumë, i rraskapitur, i këputur. Djali i sqaqur nga sëmundja dergjej në shtrat.
✱Sin.: i dobësuar, i ligur, i qullur, i zbrujtur, i flashkur,i rraskapitur, i lodhur; i rrahur.

ZBEHUR

ZBÉHUR (i, e) mb. 1. Që i ka ikur a i është dobësuar ngjyra e kuqe e fytyrës, që i ka rënë një ngjyrë si e verdhë, që është zbehur, i zbehtë. Me fytyrë të zbehur. Me faqe (me buzë) të zbehura.
2. Që i është dobësuar ngjyra, i zbërdhulët. Ngjyrë e zbehur. Perde të zbehura nga dielli.
3. Që i është pakësuar drita, që i është dobësuar ndriçimi e shkëlqimi; që ka humbur qartësinë. Drita e zbehur e kandilit. Fotografi të zbehura..
4. fig. Që është bërë i paqartë, i dobët e pa forcë shprehëse; që është zbehur. Pasqyrim i zbehur. Shpresa të zbehura. Kuptim i zbehur i një fjale (gjuh.).
✱Sin.: i zbehtë, i zverdhur, verdhosh, i verdhur, i zbardhur, i zbërdhulur, i flashkur, i fishkur, i zvogëluar.

ZGAJTUR

ZGÁJTUR (i, e) mb. Që e ka humbur gjallërinë, që është bërë i flashkët; që i janë prerë fuqitë, që e ka lëshuar veten fare, i zgërlaqur. Njeri i zgajtur. Grua (vajzë) e zgajtur.
✱Sin.: i zgërlaqur, i lëshuar, i ligur, i flashkur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë