Fjalori

Rezultate në përkufizime për “fizkulturor”

Mëso si ta përdorësh
<<< Kthehu te kërkimi kryesor në fjalor

FIZKULTURAL

FIZKULTURÁL,~E mb. Fizkulturor. Manifestim fizkultural.

FIZKULTUROR

FIZKULTURÓR,~E mb. Që ka të bëjë me fizkulturën, që i përket fizkulturës, i fizkulturës. Ushtrime fizkulturore. Aktivitet fizkulturor.

MANIFESTIM

MANIFESTÍM,~I m. sh. ~E, ~ET 1. Shprehje e një ndjenje, ideje, mendimi a pikëpamjeje; shfaqje, demonstrim. Manifestimi i dëshirave. Një manifestim i ndjenjës së vëllazërisë. Tubimet ishin forma më e suksesshme e manifestimit të pakënaqësisë.
2. Provë e dukshme ose e prekshme e një dukurie konkrete, tregues i qartë i aktivitetit të diçkaje. Dhimbjet e mesit janë manifestimet e para të asaj sëmundjeje.
3. Ceremoni a shfaqje publike artistike, muzikore, sportive, fizkulturore, ushtarake etj., me pjesëmarrje të gjerë të njerëzve. Manifestimi njëjavor pati suksesi për njohjen e kulturës së arvanitasve. Jemi në prag të manifestimit fizkulturor të rinisë. Parakalonte në një manifestim trupash ushtarake.
4. Marshim i madh nëpër rrugë ose grumbullim në një vend publik për të shprehur qëndrime dhe ndjenja të përbashkëta të një komuniteti ndaj fakteve të caktuara nëpërmjet fjalimeve, parullave, shkrimeve në pankarta dhe parulla politike, sociale etj.; protestë, demonstratë. Pritja e tij u kthye në një manifestim patriotik madhështor. Manifestim i madh (i fuqishëm, madhështor) në përkrahje të të dëmtuarve nga tërmeti. Studentët po bëheshin gati të dilnin në një manifestim për të kërkuar të drejtat e tyre.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë