Fjalori

Rezultate në përkufizime për “fiziologjik”

Mëso si ta përdorësh
<<< Kthehu te kërkimi kryesor në fjalor

ABIOZË

ABIÓZ/Ë,~A f., fiziol. 1. Paaftësi ose zvogëlim i aftësisë për të jetuar në kushte skajore të temperaturës, të mungesës së ujit, të nivelit të ulët të oksigjenit dhe të kushteve të tjera jonormale.
2. biol. Pushim fiziologjik që i ndihmon disa organizma të mbijetojnë në kushte të pafavorshme a të përballojnë gjendje të vështira mjedisore. Procesi i abiozës. Gjendja e abiozës. Arinjtë bien në gjendje abioze.

ANIMACION

ANIMACIÓN,~I m. sh. ~E, ~ET fiziol. 1. Rikthim në jetë ose rivendosje e funksioneve jetësore; kund. reanimacion. Animacion fiziologjik. Animacion i fetusit. Animacion i pacientit. Animacion i ngadalshëm i zemrës dhe frymëmarrjes. Vlerësimi i shkallës së animacionit të pacientit.
2. kinem. Teknikë që mundëson bashkimin e fotografive të njëpasnjëshme në një shirit filmik, i cili kur të vendoset në projektor krijon idenë e lëvizjes së gjallë; teknikë që përdoret në televizion, në kinema, në pajisje celulare, në kompjuter etj.); animim. Animacion kompjuterik. Animacion dy a tredimensional. Llojet e animacioneve.
3. teatër. Lëvizje dhe drejtim i kukullave. Animacion me kukulla.
4. art. Organizim dhe udhëheqje e një programi artistik-kulturor, e një programi argëtues etj. Animacion i shfaqjes. Animacioni si krijimtari.
✱Sin.: gjallërim, rigjallërim, aktivizim, shpirtëzim, ringjallje, animim.

ANTIDIURETIK

ANTIDIURETÍK,~U m. sh. ~Ë, ~ËT fiziol. Bar, lëndë etj. që ndihmon baraspeshimin e lëngjeve në trup, duke pakësuar urinimin; kund. diuretik. Antidiuretiku fiziologjik. Përdorimi i antidiuretikëve. Veprimi i antidiuretikëve.

EMOCION

EMOCIÓN,~I m. sh. ~E, ~ET Përjetim psikik i thellë dhe i përkohshëm (gëzim, zemërim, mallëngjim a ngashërim, turp, frikë etj.) i shoqëruar me reagim fizik a fiziologjik dhe që shkaktohet nga faktorë të brendshëm a të mjedisit të jashtëm. Emocion i fuqishëm (i madh, i thellë). Forca e emocionit. I ngjalli (i zgjoi) emocione. Flet me emocion. Përmbaj emocionet. Dridhej nga emocioni. Emocione parësore. Mësohu të njohësh emocionet e tua.
✱Sin.: përjetim, mallëngjim, ndjesi, ndjenjë, emocionim.

FIZIOLOGJIK

FIZIOLOGJÍK,~E mb. Që ka të bëjë me fiziologjinë, që i përket fiziologjisë, i fiziologjisë; që lidhet me ndërtimin dhe me veprimtarinë jetësore të një organizmi të gjallë a të një organi. Zhvillimi fiziologjik. Nga pikëpamja fiziologjike.

HELMIM

HELMÍM,~I m. sh. ~E, ~ET
1. Veprimi kur marr në trup një lëndë helmuese që shkakton dëm ose shqetësim fiziologjik; që përfshin futjen, marrjen ose kontaktin me helmin që shkakton efekt të dëmshëm. Përdorimi i ujit të ndotur mund të çojë në helmim tek fëmijët. Hyrja e kimikateve në trup mund të rezultojë në helmim.
2. Gjendje e organizmit që ka marrë helmin dhe përjeton efektet e tij të dëmshme. Helmim i rëndë (i plotë). Helmimi i organizmit (i gjakut). Helmim nga ushqimi. Shpëtoi nga helmimi.
3. Dëmtim a prishje nga diçka e keqe. Helmimi i ajrit nga ndotja e mjedisit. Helmim i ujërave nga puset e naftës.
4. fig. Hidhërim i madh, pikëllim.
✱Sin.: helmatim, helmatisje, farmakosje, pikëllim, hidhërim, vrerim.

HEMOSTAZË

HEMOSTÁZ/Ë,~A f., mjek. Proces fiziologjik me të cilin organizmi ndalon gjakderdhjen dhe ruan gjakun brenda enëve të tij.

LOTIM

LOTIM,~I m. Veprimi kur nxjerr lot nga sytë; derdhja e lotëve nga sytë si reagim emocional ose si reagim fiziologjik. Lotim nga trishtimi (nga gëzimi). Lotimi i syve.

PSIKOKINETIKË

PSIKOKINETÍK/Ë,~A f., mjek. 1. Psikokinezi.
2. Aftësi psikike të një njeriu për të ndikuar në sistemin fiziologjik të një organi apo në sistemet fiziologjike të gjithë organizmit të dikujt, pa ndërhyrë fizikisht në to.

SHPËRVETIM

SHPËRVETÍM,~I m. sh. ~E, ~ET biol. Proces fiziologjik gjatë të cilit lëndët organike të përbëra, që janë përvetuar nga një organizëm, shpërbëhen në lëndë me të thjeshta dhe dalin jashtë organizmit, disimilim; kund. përvetim.

TAKOGRAFI

TAKOGRAFÍ,~A f. 1. Mënyrë e të shkruarit me shenja të veçanta, që përdoret për të regjistruar me shpejtësi fjalët e kujtdo që flet; takeografi.
2. mjek. Regjistrim i ritmeve ose i frekuencave dhe funksioneve fiziologjike te njeriu; grafikë që regjistrojnë shpejtësinë e një procesi fiziologjik (si ritmin e zemrës, të frymëmarrjes etj.)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë