Fjalori

Rezultate në përkufizime për “fitme”

Mëso si ta përdorësh
<<< Kthehu te kërkimi kryesor në fjalor

FILISPICË

FILISPÍC/Ë,~A m. sh. ~A, ~AT edhe fig. Spicë, thumb; vërejtje thumbuese. Futi filispica.
✱Sin.: spicë, cifël, thumb, kunj, fitme.

FITME

FÍTME,~T f. kryes. sh. Fite, kalla, spica. Fut fitme ngado.
✱Sin.: fite, kunja, kalla, spica.

KALLA

KÁLLA,~T f. vet. sh. Spica, fitme; intriga. I futi kallat dikujt.
✱Sin.: spica, intriga, fitme.

KUNJ

KÚNJ,~I m. sh. ~A, ~AT 1. Copë druri a metali me majë të mprehtë, që përdoret për të shpuar, për të çarë a për të varur diçka etj.; thumb. Ngul disa kunja. Çaj drutë me kunj.
2. bised. Fije shkrepëseje.
3. fig., kryes. sh. Fjalë thumbuese; thumba; fitme. Flet me kunja thumbon. Fut kunja.
✱Sin.: thumb, rrumb, fitme.
♦ Fut kunja (dikush) shih fut fite (dikush). Më mbeti kunj (diçka) më mbeti si një merak i madh, m’u ngul në mendje e nuk e harroj; më mbeti gozhdë; më mbeti peng (në zemër). Mpreh kunja (kot) (dikush) bën punë të padobishme, merret me diçka që s’duhet a që s’vlen; lodhet kot; tund (luan) derën; numëron qimet e postiqes. Nxjerr kunjin heq një merak a nxjerr inatin që kam me dikë, ia kthej atë që më ka bërë duke marrë hak.

PËRKALL

PËRKÁLL vep., ~A, ~UR kal. 1. fig. E djeg, e kall fare.
2. Fut fitme, ngatërroj të tjerët duke futur spica.

SHTIEKEQ

SHTIEKÉQ,~E mb. 1. Që fut fitme, që nxit me fjalë të këqija njërin kundër tjetrit në mënyrë tinëzare, që vë në sherr e që ngatërron të tjerët; që kallëzon njërin e tjetrin; kund. fjalëmirë.
2. si em. Sipas kuptimit të mbiemrit.

SHTJERË

SHTJÉR/Ë,~A f. sh. ~A, ~AT Fjalë e ligë, fjalë për të ngatërruar botën, spice, fitme.

SPICË

SPÍC/Ë,~A f. sh. ~A, ~AT 1. Ashkël druri e hollë e me majë, cefël e vogël druri. Spica pishe. Kruaj me spicë. Ju ngul një spicë. I hyri një spicë në gisht (në thua).
2. fig., kryes. sh. Fjalë që thuhen për të futur të tjerët në ngatërresa, fitme, kalla. Shtie (fut) spica. Hedh spica. Flet me spica hedh thumba kundër dikujt, përdor fjalë therëse.
3. Secili nga drunjtë që lidhin bucelën me rrethin e rrotës së qerres, të karrocës etj.; rreze. Spicat e rrotës. Iu thye një spicë.
4. vet. sh. Degë të holla për të ndezur zjarrin, karthje. Spica dëllinje. Solli ca spica.
✱Sin.: bjezgë, cifël, cipal, kleçkë, nishk, qenëz, kunjëz, hep, gjemb, halë, fite, fitila, thumb, ferra, ferrca, shtjera, fara, thimth, xip, sfinë, ginga, buklidhë, citë, rrogëz, sqapth.
♦ Fut spica (dikush) thotë fjalë me thumba për të ngacmuar dikë ose për të ngatërruar të tjerët; fut fite; fut kunja; fut pyka. I fut spicat (dikujt) e shtyn për keq a e nxit kundër dikujt, e shpon kundër dikujt, e fut në grindje me dikë; i fut gjilpërat; i fut një grusht miza. Spicë e ndezur keq. njeri ngatërrestar, dikush që të fut menjëherë zjarrin në shtëpi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë