Fjalori

Rezultate në përkufizime për “fisnikëruar”

Mëso si ta përdorësh
<<< Kthehu te kërkimi kryesor në fjalor

BUJARUAR

BUJARÚAR (i, e) mb. I bërë bujar; i fisnikëruar në shpirt. Djalë trim e i bujaruar.
✱Sin.: i fisnikëruar, i lartësuar, i fisëm, fisnik, bujar.

FISNIKËROHEM

►FISNIKËR/ÓHEM jovep., ~ÓVA (u), ~ÚAR 1. Fitoj veti të mira morale, lartësohem nga ana morale, bëhem fisnik. Fisnikërohet çdo ditë.
2. Fitoj a marr titull fisnikërie. Ishte fisnikëruar shumë kohë më parë.
3. vet. v. III, spec. Përmirësohet nga ana cilësore (për kafshët, bimët etj.). Të gjitha bimët u fisnikëruan.
4. vet. v. III Bëhet më i pastër e më i mirë, bëhet më i hollë, lartësohet. I fisnikërohen mendimet.
5. pës. e FISNIKËRÓJ.
✱Sin.: bujarohem, lartësohem.

FISNIKËROJ

FISNIKËR/ÓJ vep., ~ÓVA, ~ÚAR kal. 1. E bëj që të fitojë veti të mira morale, e lartësoj nga ana morale, e bëj fisnik. Puna këmbëngulëse e kishte fisnikëruar.
2. I jap titull fisnikërie dikujt. E kishin fisnikëruar.
3. spec. Përmirësoj racën e cilësitë e kafshëve e të bimëve. I fisnikëruan bimët e kopshtit.
4. E bëj më të pastër e më të mirë; e bëj më të hollë, e ngre më lart, e lartësoj. I pati fisnikëruar ndjenjat.
✱Sin.: bujaroj, lartësoj.

FISNIKËRUAR

FISNIKËRÚAR (i, e) mb. 1. fig. Që ka fituar veti të mira morale, që është bërë fisnik. Djalë fisnik.
2. I ngritur në shkallën e fisnikërisë; i bërë fisnik me titull. Aktivist i fisnikëruar.
3. spec. Që është përmirësuar nga ana cilësore. Kafshë e fisnikëruar.
4. fig. Që është lartësuar, që është bërë i pastër. Ndjenja të fisnikëruara.

PËRLARTËSUAR

PËRLARTËSÚAR (i, e) mb., përf., libr. I lartësuar; i fisnikëruar.

RAFINUAR

RAFINÚAR (i, e) mb. 1. spec. Që është pastruar nga lëndët e huaja, i pastruar, i kulluar. Vaj i rafinuar. Sheqer i rafinuar. Bakër i rafinuar.
2. fig. Që është shumë i stërholluar e i përpunuar, tepër i zgjedhur, shumë i hollë. Shije e rafinuar. Sjellje e rafinuar. Model i rafinuar. Pamje e rafinuar.
3. fig., keq. Që është tepër dhelparak e i mbuluar; që vepron me mënyra dinake e shumë të stërholluara. Njeri (armik) i rafinuar. Mënyrë (metodë) e rafinuar. Propagandë (demagogji) e rafinuar. Mjete të rafinuara.
✱Sin.: i pastruar, i kulluar, i përmirësuar, i fisnikëruar, i stërholluar, dinak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë