Fjalori

Rezultate në përkufizime për “firmosur”

Mëso si ta përdorësh
<<< Kthehu te kërkimi kryesor në fjalor

FIRMOS

FIRMÓS vep., ~A, ~UR Vë firmën; nënshkruaj. Kishte firmosur në të gjitha faqet.

KAPITULLIM

KAPITULLÍM,~I m. 1. usht. Disfatë e një lufte a beteje, dorëzim pa kushte; dokumenti i firmosur i këtij akti. Akti i kapitullimit. Firmosi kapitullimin.
2. edhe fig., mospërf. Dështimi i një nisme për biznes a i një përpjekjeje të dikujt; falimentim. Kapitullimi i turpshëm.
✱Sin.: dorëzim, falimentim, dështim, disfatë.

MEMORANDUM

MEMORANDÚM,~I m. sh. ~E, ~ET 1. Dokument, shënim a çdo lloj komunikimi i shkurtër me shkrim që shërben për të regjistruar një ngjarje me qëllim që të mos harrohet, për të tërhequr vëmendjen për një problem apo për të tërhequr vërejtje për një çështje të caktuar brenda një institucioni a kompanie; memo. Një memorandum i firmosur nga një grup deputetësh.
2. drejt., dipl. Dokument i shkurtër që përshkruan kushtet e një marrëveshjeje, i cili i paraprin një kontrate zyrtare të detajuar. Është nënshkruar një memorandum bashkëpunimi midis dy qeverive.
3. dipl. Letër zyrtare që një qeveri i dërgon një qeverie tjetër për t’i shprehur pikëpamjen e vet për një çështje të caktuar, për të argumentuar një veprim a vendim të marrë etj. Memorandumi i qeverisë. Dërgoi (paraqiti) një memorandum. Teksti i memorandumit. Memorandum proteste. Hodhi poshtë memorandumin.

NËNSHKRUAR

NËNSHKRÚAR (i, e) mb. 1. Që është nënshkruar; i firmosur. Çek i nënshkruar.
2. I regjistruar. - A është e nënshkruar këtu si anëtare?

PAFIRMOSUR

PAFIRMÓSUR (i, e) mb. Që nuk është i firmosur; që nuk është firmosur; kund. i firmosur. Dokument i pafirmosur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë