Fjalori

Rezultate në përkufizime për “filtrim”

Mëso si ta përdorësh
<<< Kthehu te kërkimi kryesor në fjalor

BRIZIM

BRIZÍM,~I m. Rrahje e lirit me brizë për t’i hequr grathin; heqja nga diçka e lëndëve të huaja a e papastërtive; pastrim.
✱Sin.: pastrim, spastrim, tëharrje, harrje, dëlirje, kokrrim, kullim, filtrim, rafinim.

FILTRIM

FILTRÍM,~I m. sh. ~E, ~ET Pastrim a kullim me filtër. Filtrim artificial. Aparat filtrimi. Bëj filtrimin.

KULLIM

KULLÍM,~I m. sh. ~E, ~ET 1. Rënia e llumit në fund të një ene me lëngje (me qumësht, vaj etj.); procesi i pastrimit të ujërave të tepërta në tokë. Kullimi i qumështit. Kanale kullimi.
2. bised. Pastrimi i qiellit nga retë.
✱Sin.: filtrim, të kulluarit, pastrim, kthjellim.

PASTRIM

PASTRÍM,~I m. sh. ~E, ~ET 1. Veprimi kur pastroj ose kur pastrohem. Pastrimi i shtëpisë (i dhomës, i bibliotekës). Pastrimi i kompjuterit. Pastrimi i kanaleve. Pastrim i gazeve. Pastrim me rërë.
2. Pjesa e parë e emërtimeve të pathjeshta për disa lloje pastrimi: Pastrim etnik (pol.) largimi sistematik e i detyruar nga një vend i grupeve etnike, racore ose fetare, me qëllimin për ta bërë shoqërinë etnikisht homogjene. Pastrim kimik (kim). pastrim i veshjeve me detergjente kimike, në makina larëse që nuk punojnë me ujë, por me avull; reparti ku bëhet ky pastrim. Pastrim mekanik (fiz.) përdorimi për pastrim i letrës smeril ose i gërryesve të tjerë në vend të tretësve kimikë. Pastrim hidraulik (fiz.) përdorimi i ujit me presion të lartë dhe shpejtësi të madhe për të pastruar të thelluarat e detaleve, një motor makine, një kanal, një oborr etj. Pastrim i njomë (kim) pastrim me ujë e detergjente kimike. Pastrim i thatë (kim.) pastrim kimik. Pastrim pneumatik (fiz.) pastrim me ujë të presuar me forcë. Pastrim me tretës (kim.) pastrim i një pajisjeje etj. me tretës kimik. Pastrim me ultratinguj (kim.) pastrim me valë zanore me frekuencë të lartë i sipërfaqes së një pajisjeje etj. të zhytur në ujë
✱Sin.: larje, spastrim, paqësim, fshirje, shpëlarje, dëlirje, heqje, marrje, shkrimbje, qërim, kullim, filtrim, kthjellim, rafinim, distilim, hapje.

ULTRAFILTRIM

ULTRAFILTRÍM,~I m., spec. Filtrim që përdor një shtresë që mban grimcat koloidale, viruset ose molekula të mëdha.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë