Fjalori

Rezultate në përkufizime për “fillues”

Mëso si ta përdorësh
<<< Kthehu te kërkimi kryesor në fjalor

FILLESTAR

FILLESTÁR,~E mb. 1. Që ka të bëjë a që lidhet me fillimin, që i përket fillimit, i fillimit; që bëhet në fillim; që shërben si fillim; i parë. Shënoj të dhënat fillestare. Faza fillestare. Shpejtësi fillestare.
2. Që sapo e ka nisur një punë, një mjeshtëri etj., që është në hapat e parë të një pune a të një veprimtarie; që nuk ka shumë përvojë në një punë. Kamerier fillestar. Mjek fillestar.
3. Që është i thjeshtë, që është më i domosdoshëm për të njohur diçka a për të filluar një punë; i parë. Rregulla fillestare. Kam njohuri (shprehi) fillestare.
4. Që është forma e parë e zhvillimit të diçkaje; që merret si bazë e krijimit a e zhvillimit; origjinar. Lënda fillestare. Lloji fillestar.
5. Që nuk është përfundimtar; paraprak. Komunikim fillestar.
✱Sin.: i parë, nistor, zanafillës, fillimor, fillimtar, fillues, elementar, origjinar, paraprak.

FILLESTAR

FILLESTÁR,~I m. sh. ~Ë, ~ËT Ai që sapo ka filluar të punojë në një fushë a në një profesion, ai që është në hapat e parë; ai që nuk ka shumë përvojë në një punë. Fillestar në punë. Mori një libër për fillestarët. Gabim prej fillestari.
✱Sin.: i ri, rishtar, fillues.

FILLIMOR

FILLIMÓR,~E mb. Fillestar. Praktikimi fillimor i teorisë.
✱Sin.: fillestar, fillues, fillimtar.

FILLIMTAR

FILLIMTÁR,~E mb. Fillestar. Dokumentacion fillimtar. Fazat fillimtare.
✱Sin.: fillestar, fillues, fillimor.

FILLTAR

FILLTÁR,~I m. sh. ~Ë, ~ËT Ai që e nis i pari një rrugë, një punë etj.; punëtor i parë, udhëtar i parë; pionier; ai që hap shtigje të reja në një fushë të caktuar studimore; nismëtar; fillestar. Suksesi i filltarit.
✱Sin.: nismëtar, fillestar, fillues.

FILLUES

FILLÚES,~E mb. Fillestar. Projekti fillues.
✱Sin.: fillestar, fillimtar, fillimor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë