Fjalori

Rezultate në përkufizime për “fillikate”

Mëso si ta përdorësh
<<< Kthehu te kërkimi kryesor në fjalor

ANEMONË

ANEMÓN/Ë,~A f. sh. ~A, ~AT bot. 1. (lat. Anemone coronaria) Trëndafili i detit.
2. Pjesë e parë e emërtime të pathjeshta për disa lloje anemonash: Anemona e pyllit (lat. Anemone nemorosa) fillikatja e bardhë, lulja kunde, lulja nuse. Anemona e detit (lat. Actinia maritima) fillikatja e detit, fillikatja e bardhë.
✱Sin.: fillikate, rekuthe, luleshterpë, yllëz.

FILLIKATE

FILLIKÁT/E,~JA f. sh. ~E, ~ET bot. (lat. Anemone coronaria) Barishte shumëvjeçare, që çel në fillim të pranverës një lule të vetme si yll ngjyrë trëndafili; yllëz, anemonë. Këputi një fillikate.

REKUTHE

REKÚTH/E,~JA f., bot. 1. (lat. Stellaria madia, Alsine madia, Cerastium furcatum) Bar zogu, yllës, yllëz.
2. (lat. Pulsatilla vulgaris) Fillikate.

TRËNDAFIL

TRËNDAFÍL,~I m. sh. ~A, ~AT (lat. Rosa) 1. bot. Shkurre zbukuruese me kërcell të gjatë me gjemba, me lule të mëdha fletë-fletë, të bukura, të mbledhura, me erë të këndshme e në ngjyrë të kuqe, të bardhë, të verdhë etj.; lulja e kësaj shkurreje. Trëndafil i kuq (i bardhë, i verdhë). Trëndafil me erë. Gonxhe trëndafili. Tufë trëndafilash. Varietete trëndafilash. Erë trëndafili. Shurup trëndafilash. Vaj trëndafili. Kopsht (oborr) me trëndafila. Trëndafil i çelur. Trëndafil i vyshkur. Petale të trëndafilit. Aromë (parfum) trëndafili. Trëndafila të mbjellë (të kultivuar). Trëndafila të egër. S´ka trëndafil pa gjemba. (fj. u.) s´ka kënaqësi pa mundim, s´ka gëzim pa pak trishtim.
2. si mb. Që ka ngjyrë të çelur ndërmjet së kuqes e së bardhës. U bë trëndafil në fytyrë.
3. fig., përk., poet. Djalë a vajzë që ka bukuri e njomësi, lule.
4. bot. Pjesë e parë e emërtimeve të pathjeshta të llojeve të trëndafilave: Trëndafili i egër (lat. Rosa canina) lloj trëndafili që rritet në lëndina dhe në pyje, me lule të vogla rozë ose të bardha, me fruta të kuqe që përdoret në mjekësi për çaj, për shurup etj. Trëndafili francez (lat. Rosa gallica) lloj i njohur trëndafili me origjinë nga Evropa Qendrore dhe Jugore, me lule të mëdha, shpesh të kuqe ose rozë të errët, me aromë të fortë dhe të këndshme, që përdoret historikisht për prodhimin e parfumit, vajrave esencialë, shurupeve dhe si bimë dekorative në kopsht. Trëndafili i Damaskut (lat. Rosa damascena) lloj trëndafili aromatik me lule të mëdha e me petale të dendura, me aromë të fortë, që përdoret gjerësisht për vajin esencial të trëndafilit, për prodhimin e parfumit, në kozmetikë, si dhe për çaj dhe shurup. Trëndafili i detit (lat. Anemone coronaria) fillikate.
♦ E spërkat me *ujë trëndafili (dikë a diçka).

YLLZË

ÝLLZ/Ë,~A f. sh. ~A, ~AT bot. Fillikate, anemonë. Lëndinë me yllza.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë