Fjalori

Rezultate në përkufizime për “faqeshegë”

Mëso si ta përdorësh
<<< Kthehu te kërkimi kryesor në fjalor

FAQEKUQ

FAQEKÚQ,~E mb. 1. Që i ka faqet të kuqe nga shëndeti, i shëndetshëm. Vajzë faqekuqe. Djalë faqekuq.
2. Që e ka turirin në ngjyrë të kuqërreme, që i ka faqet të kuqe (për kafshët e për shpendët). Dhi faqekuqe. Dallëndyshe faqekuqe.
3. Që e ka lëkurën të kuqe; që ka të kuqe njërën faqe (për pemët). Mollë (dardhë, shegë) faqekuqe.
✱Sin.: faqeshegë, faqemollë, mollash, faqendezur.

FAQEKUQ

FAQEKÚQ,~II m. sh. ~, ~TË Ai që i ka faqet të kuqe nga shëndeti. Faqekuqtë e vegjël.
✱Sin.: faqeshegë, faqemollë.

FAQEKUQE

FAQEKÚQ/E,~JA m. sh. ~E, ~ET Ajo që i ka faqet të kuqe nga shëndeti. Faqekuqe bukuroshe.
✱Sin.: faqeshegë, faqemollë.

FAQESHEGË

FAQESHÉGË mb. Që i ka faqet të kuqe si shegë; që është plot shëndet. Vajzë faqeshegë.

SHËNDETPLOTË

SHËNDETPLÓTË mb., libr. Që është i shëndetshëm, që gëzon shëndet të plotë, që nuk vuan nga ndonjë sëmundje; kund. shëndetlig. Njerëz shëndetplotë. Fëmijë shëndetplotë. Një vit shëndetplotë! (ur.)
✱Sin.: i shëndetshëm, faqekuq, faqemollë, faqembushur, faqeprush, faqeshegë, faqerrumbullak, faqetrëndafil, shegan, mollash, i shëndoshë, i fuqishëm, i fortë, kokorosh.

SHËNDETSHËM

SHËNDÉTSH/ËM (i), ~ME (e) mb. 1. Që ka shëndet të mirë, që është rritur e zhvilluar mirë, i shëndoshë, shëndetplotë; kund. i dobët. Foshnjë e shëndetshme. Vajzë e shëndetshme. Trup i shëndetshëm. Zemër e shëndetshme. Fytyrë e shëndetshme. Dhi (bagëti, kafshë) të shëndetshme. Perime të shëndetshme. Zëvendësoi fidanët e shëndetshëm. Rritje e shëndetshme.
2. Që është i mirë e i dobishëm për shëndetin. Ushqime të shëndetshme. Mëngjes i shëndetshëm. Ajër i shëndetshëm. Klimë e shëndetshme.
3. fig. Që i shërben edukimit dhe mirëqenies mendore e emocionale. Mësimdhënie e shëndetshme. Stil jete i shëndetshëm. Art i shëndetshëm. Terren i shëndetshëm. Bazë e shëndetshme.
✱Sin.: shëndetplotë, faqekuq, faqemollë, faqembushur, faqeprush, faqerrumbullak, faqeshegë, faqetrëndafil, shegan, mollash, i shëndoshë, i fuqishëm, i fortë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë