Fjalori

Rezultate në përkufizime për “faqendritur”

Mëso si ta përdorësh
<<< Kthehu te kërkimi kryesor në fjalor

FAQEBARDHË

FAQEBÁRDHË mb. 1. Që ka dalë me sukses e me nder në një punë ose në një detyrë, i nderuar; që të nxjerr me nder, që të zbardh faqen. Njeri faqebardhë. Dolën faqebardhë në këtë punë. E nxori faqebardhë.
2. si em. m. e f. Sipas kuptimit të mbiemrit.
✱Sin.: i nderuar, ballëndritur, faqendritur, fytyrëndritur, faqehënë.

FAQENDRITUR

FAQENDRÍTUR mb. 1. edhe fig. Që ndrit nga të gjitha anët, i shkëlqyeshëm (për një send). Abazhur faqendritur.
2. fig. Që ka dalë gjithnjë fitimtar; i nderuar. Studentë faqendritur. Krahinë faqendritur.
✱Sin.: i shkëlqyeshëm, i nderuar, faqebardhë, fitimtar.

FITIMTAR

FITIMTÁR,~E mb. 1. Që ka arritur fitore të plotë e të gjithanshme në një luftë a në një betejë; që ka korrur fitore pas përpjekjesh të mëdha; fitues, ngadhënjimtar. Ekip fitimtar. Dolën fitimtarë.
2. Që kryhet me sukses të plotë e të gjithanshëm, që arrin fitore të njëpasnjëshme ose që të çon drejt fitoreve; që fiton gjithnjë, që kurorëzohet me fitore, ngadhënjimtar. Lojë fitimtare. Projekt fitimtar.
✱Sin.: fitues, ngadhënjimtar, ngadhënjyes, triumfues, faqendritur.

SHEJMIRAZ

SHEJMÍRAZ ndajf. Me nder, faqebardhë. Doli shejmiraz. E nxori shejmiraz. U kthyen shejmiraz.
✱Sin.: faqebardhë, ballëndritur, faqendritur, fytyrëndritur.

SHKËLQYESHËM

SHKËLQÝESH/ËM (i), ~ME (e) mb. 1. Që lëshon dritë të fortë, që shkëlqen, i shkëlqyer. Dritë e shkëlqyeshme.
2. Që ka shkëlqim, që e përthyen dritën; i shkëlqyer. Perla të shkëlqyeshme. Lëkurë e shkëlqyeshme. Ekran i shkëlqyeshëm. Sipërfaqe e shkëlqyeshme.
3. fig. Që është i shquar në fushën e vet, shumë i njohur. Libër i shkëlqyeshëm. Shkrimtari më i shkëlqyeshëm i epokës së vet. Mjeshtër i shkëlqyeshëm.
4. fig. Që është shumë i mirë në të gjitha drejtimet. Atmosferë e shkëlqyeshme. Sjellje e shkëlqyeshme. Ditë e shkëlqyeshme.
✱Sin.: shkëlqyes, i shkëlqyer, ndritshëm, i shndritshëm, faqendritur, dritëplot, dritëmadh, i praruar, farfuritës, llamburitës, vezullues, rrëzëllues, xixëllues, i lustruar, madhështor, i lumtur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë