Fjalori

Rezultate në përkufizime për “fanitje”

Mëso si ta përdorësh
<<< Kthehu te kërkimi kryesor në fjalor

FANEPSJE

FANÉPSJ/E,~JA f. sh. ~E, ~ET Fanitje. Kishte përjetuar disa fanepsje të çuditshme së fundi.

FANTAZMAGORI

FANTAZMAGORÍ,~A f. sh. ~, ~TË Tërësi figurash të vërteta a të imagjinuara, që ndryshojnë vazhdimisht; përçartje, fanitje. Fantazmagoria në disa lloje artesh.

PËRFYTYRIM

PËRFYTYRÍM,~I m. sh. ~E, ~ET 1. Veprimi kur përfytyroj dikë apo diçka ose kur përfytyrohet dikush a diçka. Përfytyrimi i një ngjarjeje.
2. psikol., filoz. Figurë e një sendi, që riprodhohet në ndërgjegje sipas perceptimeve të mëparshme; formë e pasqyrimit shqisor, që përbën një hallkë kryesore në procesin e njohjes së botës. Përfytyrime pamore. Përfytyrim i plotë (i qartë, i turbullt). Ndijimet, perceptimet e përfytyrimet.
3. Ajo që krijohet në mendje për diçka, duke u mbështetur në të dhënat e botës së jashtme, mendim pak a shumë i qartë e i plotë për diçka; krijim i imagjinatës. Përfytyrim i qartë (i plotë) për diçka, për dikë. Përfytyrime poetike.
✱Sin.: parafytyrim, fytyrim, shëmbëllim, shëmbëllesë, shëmbëlltyrë, fanitje, ide, shllim, imagjinatë, ëndërrim, trillim, hije, pasqyrim, vegulli, përhitje, shajni, përhijim, vegim.

STËRDITEM

STËRDÍT/EM jovep., ~A (u), ~UR vetv. 1. Takohem papritur me dikë rrugës, ndesh dikë në kalim e sipër. U stërditëm disa herë atë muaj.
2. (përdoret me një trajtë të shkurtër të përemrit vetor në r. dhanore). Më del para syve papritur. I stërditi me atë fanitje.
✱Sin.: ndeshem, hasem, duket.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë