Fjalori

Rezultate në përkufizime për “fanatizëm”

Mëso si ta përdorësh
<<< Kthehu te kërkimi kryesor në fjalor

BIGOTËRI

BIGOTËRÍ,~A f., libr. 1. Besimtari e tepruar, fanatizëm i verbër fetar. Bigotëria e një komuniteti të mbyllur. Bigotëria e shoqërisë.
2. Të qenët hipokrit; dyfytyrësi, hipokrizi. Ia lexoi në sy bigotërinë. I mbushur me bigotëri dhe fanatizëm ideologjik.

FANATIZËM

FANATÍZ/ËM,~MI m. 1. Të jetuarit e të vepruarit sipas mendimeve e zakoneve prapanike dhe mbrojtja e tyre me ngulm; qëndrim prej fanatiku. Përpjekje për të luftuar fanatizmin.
2. Zell i jashtëzakonshëm për të mbrojtur dhe për të zbatuar pa lëshime e pa lëkundje një mendim, një ide etj. I mbronte me fanatizëm tezat e tij.

KATOLIK

KATOLÍK,~E mb., fet. 1. Që lidhet me katolikët dhe me katolicizmin; që beson në katolicizëm; që bazohet a mbështetet në katolicizëm; që i përket katolicizmit. Feja katolike. Kleri (prift, besimtar) katolik.
2. si em. m. e f. Sipas kuptimit të mbiemrit.
♦ Më katolik se Papa (dikush) tall. që mbron me fanatizëm të tepruar një ide, një pikëpamje ose një çështje, që ia kalon edhe atij që e ka për detyrë.

PURITANIZËM

PURITANÍZ/ËM,~MI m. 1. hist., fet. Lëvizje fetare e politike e borgjezisë angleze në shek. XVI-XVII, që drejtohej kundër feudalizmit dhe absolutizmit mbretëror dhe që kishte si qëllim kryesor pastrimin e kishës anglikane nga ritet e ceremonitë e kishës katolike. Ithtar i puritanizmit.
2. libr., keq. Qëndrim shumë i rreptë dhe i ngurtë ndaj normave e rregullave të vendosura; ruajtja me fanatizëm dhe me rreptësi të tepruar e gjithçkaje që duket si e drejtë, e rregullt, e mirë etj. Shfaqje puritanizmi.

TOLERANCË

TOLERÁNC/Ë,~A f. 1. Aftësia apo gatishmëri për të toleruar ekzistencën e opinioneve a sjelljeve që dikush nuk i pëlqen apo nuk është dakord me to; kund. fanatizëm, intolerancë. Përfiton nga tolelanca e tij. Nuk është një e drejtë, është thjesht tolerancë.
2. mjek. Aftësia që ka dikush për të duruar vazhdueshëm pa reaksion konsumimin e një ushqimi a ilaçi apo ekspozimin ndaj kushteve mjedisore të caktuara; kund. intolerancë.
✱Sin.: mirëkuptim, shpirtgjerësi, liberalizëm, lejim, respekt, durim, lejesë, shmangie.

VERBUES

VERBÚES,~E mb. 1. Që të bën të mos shohësh qartë, që të vret a të vesh sytë, që të verbon. Shkëlqim verbues. Bardhësi verbuese. Dritë (flakë) verbuese. Diell verbues.
2. fig. Që të bën të paaftë për të kuptuar se ç'ndodh përreth a për të parë një të vërtetë që duket qartë; që të bën të paaftë për të arsyetuar e për të gjykuar në mënyrë të shëndoshë, që t'i merr mendtë. Fanatizëm verbues. Propagandë verbuese. Demagogji verbuese.
✱Sin.: i flaktë, flakërues, shndritës, i shndritur.

XHELOZI

XHELOZÍ,~A f. 1. Ndjenjë nga e cila vuan dikush, kur dyshon për dashurinë ose për besnikërinë e bashkëshortit a të njeriut të dashur. Xhelozi e fortë (e madhe). Shfaqje xhelozie. Vuan nga xhelozia.
2. libr. Zell, këmbëngulje e madhe për të mbrojtur a për të ruajtur diçka; fanatizëm. E ruan me xhelozi.
✱Sin.: fanatizëm, zell, këmbëngulje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë