Fjalori

Rezultate në përkufizime për “fabul”

Mëso si ta përdorësh
<<< Kthehu te kërkimi kryesor në fjalor

ANTITEATËR

ANTITEÁT/ËR,~RI m. sh. ~RO, ~ROT teatr. 1. Art dramatik që nuk pranon ose që thyen parimet e teatri klasik. Antiteatri - reagim ndaj teatrit klasik.
2. Vepër dramatike pa fabul dhe pa veprim të mirëfilltë dramatik, e ngjashme me dramën e absurdit; antidramë. Autori ka krijuar një formë antiteatri. Antiteatër i shpërbërë logjikisht.

APOLOG

APOLÓ/G,~GU m. sh. ~GJE, ~GJET Rrëfenjë e shkurtër fabulore, alegorike, edukative dhe moralizuese; fabul. Apolog satirik. Lexoj apologje. Apologje me mësime të vyera.

INTRIGË

INTRÍG/Ë,~A f. sh. ~A, ~AT 1. Veprim që bëhet me qëllim të keq e prapa krahëve të dikujt për ta ngatërruar me të tjerët, për ta futur në kurth a për ta dëmtuar; punë tinëzake dhe e pabesë që dikush e bën për të arritur qëllimet e tij jo të ndershme. Intrigë e ulët (e poshtër, e ndyrë, armiqësore, djallëzore). Vend intrigash. Thur (bën) intriga.
2. let. Një varg veprimesh të ndërlikuara e ngjarjesh të ngatërruara, me kthesa të papritura, që zbulojnë interesat e qëllimet e kundërta të personazheve të një vepre letrare dhe që ndikojnë në rrjedhën e zhvillimit të subjektit të saj. Intrigë e thjeshtë. Intriga e dramës (e romanit, e tregimit). Krijon (zgjidh) intrigën.
✱Sin.: spicë, subjekt, fabul.

MODELOR

MODELÓR,~E mb., libr. Që lidhet me modelin, i modelit. Ajo fabul është ushqyer prej disa burimesh modelore.

SUBJEKT

SUBJÉKT,~I m. sh. ~E, ~ET 1. filoz. Njeriu si qenie e ndërgjegjshme, që ka aftësi të mendojë, të njohë sendet e dukuritë e botës dhe të veprojë me vullnetin e tij për të arritur qëllimet e dëshirat e veta (në kundërvënie me botën e jashtme si objekt i njohjes); kund. objekt. Subjekti dhe objekti i njohjes. Objekti ekziston pavarësisht nga subjekti.
2. Një njeri a një grup njerëzish që marrin pjesë si veprues të vetëdijshëm e me vullnet në një proces a veprimtari. Nxënësi si subjekt i mësimit.
3. drejt. Një njeri ose një institucion a ndërmarrje që hyn në marrëdhënie ligjore me shtetin me të drejta dhe detyra të caktuara; person ligjor. Subjekt i së drejtës. Subjekt i krimit ai që ka bërë një krim dhe që do të përgjigjet penalisht për të.
4. spec. Njeriu që merret për ta vëzhguar për qëllime studimi ose për të nxjerrë prej tij të dhëna për një fushë kërkimi. Subjekti i eksperimentit. Gjeti një subjekt të përshtatshëm për studime dialektore.
5. gjuh. Kryefjalë. Subjekti i fjalisë është i shprehur me sintagmë.
6. logj. Ajo pjesë e gjykimit e cila pasqyron atë për të cilën bëhet fjalë dhe për të cilën pohohet ose mohohet diçka. Subjekti dhe predikati i gjykimit.
7. Ajo që trajtohet a për të cilën bëhet fjalë në të folur ose në një shkrim; tema. Subjekti i bisedës. U bë subjekt i diskutimit.
8. art. Tërësia e ngjarjeve, e veprimeve, e konflikteve etj. nëpërmjet të cilave dalin në pah karakteret e tiparet dalluese të personazheve dhe zbulohet përmbajtja e një vepre letrare; ngjarja që shërben si bazë për paraqitjen e figurshme në një vepër të pikturës a të skulpturës ose për shtjellimin e një vepre muzikore. Subjekti i romanit. Subjekt i marrë nga jeta e popullit. Subjekti i pikturës (i tablosë). Zhvillimi i subjektit. E ka marrë subjektin nga jeta reale.
✱Sin.: parti, fabul.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë