Fjalori

Rezultate në përkufizime për “ezofag”

Mëso si ta përdorësh
<<< Kthehu te kërkimi kryesor në fjalor

CPORDHËS

CPÓRDHËS,~I m., anat. Ezofag; zorra e kuqe.

KAPËRCYELL

KAPËRCÝE/LL,~LLI m. sh. ~J, ~JTË 1. Shteg kalimi; vendkalim i ngushtë (për një grykë a qafë mali etj.). Mbeti në kapërcyell të malit (të kodrës, të gardhit, të rrjedhës së lumit).
2. Mjet i thjeshtë (shkallë, shkop a diçka tjetër) për të kapërcyer një shteg të ngushtë, një përrua, një pengesë natyrore etj. Mori (përdori) kapërcyellin. E ndihmoi kapërcyell për t’u hedhur matanë.
3. Kufi tokësor a hapësirë e ngushtë gjeografike. Kapërcyelli për ndarjen e pronave.
4. fig. Fundi i një periudhe a kufiri ndërmjet dy etapave që vijnë njëra pas tjetrës; tranzicion kohor; gjendje e përkohshme kalimi, fazë kalimtare; kapërcim. Në kapërcyell të vitit (të shekullit të ri).
5. anat. Gurmaz, ezofag. Kafshata kaloi kapërcyellin.
✱Sin.: kaptë, kapth, vendkalim, kufi, grykë, gurmaz, ezofag, kapërcim, tranzicion.
♦ E hodhi kapërcyellin (dikush) shih e hodhi lumin (dikush). (Është) me këmbë në kapërcyell (dikush) nuk ka mundur ende ta kapërcejë një gjendje të vështirë, të rrezikshme a të ndërlikuar ku gjendet; nuk di ku t’ia mbajë; është duke kërkuar një zgjidhje për një çështje a është duke e zgjidhur atë.

REFLUKS

REFLÚKS,~I m. sh. ~E, ~ET Rrjedhje e lëngjeve të stomakut në drejtim të kundërt, nga stomaku në ezofag. Refluks i stomakut. Refluks gastroezofageal (mjek.).

SPIROCERKOZË

SPIROCERKÓZ/Ë,~A f., mjek., veter. Sëmundje parazitare e kafshëve e shkaktuar nga depërtimi i spirocerkave në trup, kryesisht në ezofag, në aortë dhe në stomak. Kafshët që vuanin nga spirocerkoza e kishin shumë të vështirë shërimin. Për të ulur rrezikun e spirocerkozës, pronarët e kafshëve duhet të kontrollojnë rregullisht qentë për praninë e parazitëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë