Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
EVIDENC/ÓJ vep., ~ÓVA, ~ÚAR kal., libr. 1. Regjistroj të dhëna në një evidencë. Nuk kemi arritur t’i evidencojmë të gjithë. Të evidencojnë edhe çështjet problemore terminologjike. Të mos jetë e interesuar për t’i evidencuar provat.
2. Theksoj. Për këtë evidencojmë edhe përgjegjësinë e kuadrove drejtues. Nuk është në gjendje të evidencojë një pjesë të fuqive të veta mendore.
✱Sin.: evidentoj, theksoj.
EVIDENCÚAR (i, e) mb. Që janë regjistruar në evidencë, që janë evidencuar. Emrat e tyre i kemi të evidencuar konkretisht. Stoqet e evidencuara. Çështjet e evidencuara. Parregullsitë e evidencuara.
2. I theksuar. Disa nga vlerat më të evidencuara të tij.
✱Sin.: i evidentuar, i theksuar.
EVIDENCÚES,~E mb. 1. Që regjistron në evidencë, që evidencon. Librat evidencues të zyrave të punësimit. S’janë veçse evidencues të dobët.
2. Që thekson. Një studim evidencues.
EVIDÉNC/Ë,~A f. sh. ~A, ~AT 1. zyrt. Regjistër a dokument i posaçëm ku mbahen shënime për të dhëna, punë a veprimtari të një ndërmarrjeje, të një institucioni etj.; pasqyrë. Evidencë ditore (javore, mujore, vjetore). Evidencë ekonomike (statistikore). Hap (plotësoj) evidencën. Mbaj evidencën. Heq nga evidenca e çregjistroj. Marr në evidencë e regjistroj. Hyj në evidencë regjistrohem. Shënoj në evidencë. Mbaj në evidencë e mbaj shënim.
2. libr. Dukje. Nxjerr (vë) në evidencë. Del në evidencë.
3. libr. Provë. Nuk kemi asnjë evidencë për këtë. Nuk ka asnjë evidencë që të ketë gënjyer. Vepron gjithmonë si identifikim me evidencë.
✱Sin.: pasqyrë, dukje, provë.
OPERATÍV,~E mb. 1. usht. Që lidhet me operacionin ushtarak, i operacionit. Shtabi operativ. Zona operative. Komandë operative. Lojë operative.
2. fin. Që ka të bëjë me veprimet financiare në një punë të caktuar. Evidencë operative. Përfundimet operative. Seksion operativ.
3. Që vepron shpejt e në kohën e duhur; që e kryen një punë vetë dhe menjëherë. Organet (njësitë) operative. Grupi operativ.
4. Që lidhet me veprimtarinë e një grupi njerëzish a të një institucioni; veprues. Plani operativ. Të dhënat operative. Koha operative për prodhimin e diçkaje. Çështjet operative.
5. Që bëhet menjëherë e në kohën e nevojshme; që bëhet shpejt e me fryt. Mbledhje (punë, masa) operative. Takim (kontroll) operativ. Në mënyrë operative.
6. Që ndjek e zgjidh detyrat e ngutshme ose çështje të veçanta në një sektor a zonë të caktuar; që ka shërbimin e ditës në njësitë ushtarake a në organet e policisë. Punonjës operativ. Oficeri operativ.
7. si em. m. e f., bised. Punëtori ose oficeri operativ. Operativi i caktuar për këtë çështje. Operativi i zonës.
PASQÝR/Ë,~A f. sh. ~A, ~AT 1. Fletë xhami e lyer nga njëra anë me një shtresë të hollë të një përzierjeje argjendi, kallaji, zhive etj., që ka vetinë të kthejë rrezet e dritës dhe të japë të plotë shëmbëllimin e çdo gjëje që ndodhet përpara; sipërfaqe metalike e lëmuar, që ka këtë veti. Pasqyrë e rrafshët (e lugët). Pasqyrë muri. Shihet në pasqyrë. Qëndron përpara pasqyrës. Ndrit si pasqyrë. Nga jashtë dritë e pasqyrë, nga brenda lëng e lëtyrë. (fj. u.) thuhet për dikë që vishet e mbahet mirë, por shtëpinë e mban pis.
2. Sipërfaqe e rrafshët e ujit etj., që e kthen dritën. Përmbi pasqyrën e detit.
3. Listë a tabelë përmbledhëse, që përmban një varg të dhënash, emrash etj. të ndara në shtylla ose sipas një renditjeje; paraqitje e përmbledhur e ngjarjeve, e dukurive ose e një përmbajtjeje të caktuar. Pasqyrë e shkurtër (përmbledhëse). Pasqyrë statistikore. Pasqyra e notave. Pasqyra e lëndës përmbajtja, tryeza e lëndës së një libri. Pasqyra e shtypit të përditshëm.
4. fig. Diçka që jep një paraqitje të gjallë të dukurive, të ngjarjeve e të rrethanave, tablo e gjallë, shprehëse dhe e vërtetë; paraqitje a shprehje besnike e diçkaje; pasqyrim. Pasqyrë e gjallë. Pasqyrë e jetës (e punës). Pasqyrë e vrullit revolucionar.
✱Sin.: dritë, (dritëz) xham, shofkë, tabelë, evidencë, listë, listim, tryezë, pasqyrim, sipërfaqe.
♦ U bë pasqyrë (diçka). 1. U pastrua shumë mirë, sa ndrin, shkëlqen nga pastërtia; u bë xham; u bë xixë. 2. (dikush). Na tregon si jemi a si duhet të jemi; e tregon qartë e saktë diçka tjetër, si të ishte ajo vetë. E bëj pasqyrë (diçka) e pastroj shumë mirë, sa të shkëlqejë; e bëj dritë; e bëj xham; e bëj xixë. *Dollap pa pasqyrë bides. keq. E ka zemrën pasqyrë (dikush) ka shpirt të mirë dhe të pastër; është shumë i çiltër; e ka zemrën të pastër; e ka zemrën të kulluar. Kur të shohë *shpatullat (kurrizin, shpinën) pa pasqyrë (dikush) iron. Kur të shohë *majën e veshit pa pasqyrë (dikush) iron. Kur të shohë *shpatullat pa pasqyrë (dikush) iron. Kur të shohë *veshët pa pasqyrë (dikush) iron. E shoh veten në pasqyrë shoh qartë të metat e mia me synimin për t’i ndrequr, njoh mirë veten e gabimet e mia. Kur të shohë *zverkun (qafën) pa pasqyrë (dikush) iron.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë