Fjalori

Rezultate në përkufizime për “esnaf”

Mëso si ta përdorësh
<<< Kthehu te kërkimi kryesor në fjalor

ESNAF

ESNÁF,~E mb., bised. 1. Që është i zoti në një zanat të caktuar. Është esnaf për rregullimin e orëve.
2. fig. I drejtë e i ndershëm. Dukej burrë esnaf. Familje esnafe. Djalë esnaf.
3. si em. Ai që është i drejtë dhe i ndershëm. Esnafi po esnaf mbetet. Ke të bësh me një esnaf.

FISNIK

FISNÍK,~EI mb. 1. Që ka veti të larta morale dhe sillet shumë mirë me të tjerët, që është i ndershëm e zemërgjerë; që është tipar i një njeriu me cilësi të larta morale, që shpreh fisnikëri; i fisëm, bujar. Njeri fisnik. Sjellje fisnike. Detyrë fisnike. Qëllime fisnike.
2. hist. Që ka të bëjë me shtresën më të lartë të feudalëve ose feudalo-borgjeze, që lidhet me aristokracinë feudale; që është karakteristik për fisnikët; i fisnikëve. Familje fisnike. Shtresat fisnike.
✱Sin.: i fisëm, bujar, fistar, zemërbujar, shpirtlartë, derëmadh, i sojshëm, sojnik, sojli, esnaf, i fisshëm, aristokrat.

KORPORATË

KORPORÁT/Ë,~A f. sh. ~A, ~AT 1. hist. Shoqëri a organizatë e madhe zejtarësh dhe tregtarësh, që mbronte të drejtat dhe lirinë e tyre në mesjetë; esnaf.
2. ek. Shoqatë a kompani e madhe aksionere. Trustet dhe korporatat.

NDERSHËM

NDÉRSH/ËM (i), ~ME (e) mb. 1. Që vepron në përputhje me moralin e normat e shoqërisë, që sillet dhe punon me nder, me drejtësi e me ndërgjegje; kund. i pandershëm. Njeri i ndershëm. Qytetar i ndershëm. Nëpunës të ndershëm. I ndershëm gjer në thembër.
2. Që bëhet duke punuar me nder, me drejtësi e me ndërgjegje; që përshkohet nga qëllime të drejta e të pastra, që shpreh drejtësi e çiltëri. Punë (sjellje) e ndershme. Qëndrim i ndershëm. Qëllime (synime) të ndershme. Me rrugë të ndershme. Proces i ndershëm.
3. Që përputhet me ligjet e ndershmërisë, të detyrës, të virtytit; që është i pastër moralisht; i pacenuar, i panjollosur. Vajzë (grua) e ndershme. Familje e ndershme. Njerëz të ndershëm. Të qenët i ndershëm.
✱Sin.: i ndërgjegjshëm, i virtytshëm, shpirtdëlirë, zemërbardhë, i ndermë, zemërartë, zemërdëlirë, i dëlirë, zemërpastër, i sjellshëm, zemërflori, zemërhapur, i sinqertë, faqelarë, qëllimmirë, fillmirë, fisnik, esnaf, i drejtë, i paanshëm, i çiltër, i pastër, besnik, i pacenuar, i panjollosur, namusqar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë