Fjalori

Rezultate në përkufizime për “eskimeze”

Mëso si ta përdorësh
<<< Kthehu te kërkimi kryesor në fjalor

ALEUTE

ALEÚT/E,~JA f. sh. ~E, ~ET Pjesëtare e popullit vendës a i grupit etnik që jeton në ishujt Aleutanë, që ndodhen midis Oqeanit Paqësor Verior dhe detit Bering, të ndarë politikisht midis Alaskës (shtet amerikan) dhe Rusisë; unangane, eskimeze e Paqësorit.

ALGONKINE

ALGONKÍN/E,~IA f. sh. ~E, ~ET Indiane e Amerikës Veriore, indigjene; eskimeze amerikane.

ESKIMEZ

ESKIMÉZ,~E mb. Që lidhet me eskimezët, i eskimezëve; që është krijuar prej eskimezëve, që ka karakteristikat e eskimezëve. Fise eskimeze. Grua eskimeze. Gjuha eskimeze. Veshje (këngë) eskimeze.

FIS

FIS,~I m. sh. ~E, ~ET 1. hist. grup shoqëror në shoqërinë primitive me njerëz të një gjaku, me gjuhë të përbashkët e me zakone të njëjta, që formonin njësinë bazë të organizimit të jetës e të prodhimit; bashkësi njerëzish në Mesjetë që vetëqeveriseshin sipas së drejtës zakonore. Fiset ilire. Fiset eskimeze. Fise primitive.
2. etnogr. Grup njerëzish me gjuhë dhe zakone të përbashkëta, që jetojnë si një bashkësi me një prijës në krye; bajrak, flamur; oxhak. Gjuha e fisit. Udhëheqësi i fisit.
3. Grup njerëzish që rrjedhin nga një stërgjysh i përbashkët; njerëz të një gjaku, farefis; ai që ka stërgjysh të përbashkët me një tjetër, ai që ka lidhje gjaku a afrie me dikë tjetër; farefis. Fis i hershëm. Ishte fis i madh ai i gruas së tij. Fis i afërt (i largët). E kam fis. Është një fisi im.
4. Kombësi, komb. Fis i mirë. Fis shqiptari.
5. hist. Familje e pasur, që kishte një pozitë të privilegjuar në shoqërinë feudale; familje që mbahej si e mirë. Grua (vajzë, djalë) prej fisi.
✱Sin.: klan, farefis, soj, racë, derë, rod, bajrak, flamur, oxhak, skotë, farkë, xhins, komb.
♦ As *farë e as fis, as degë e as lis. Me *farë e me fis. Pa *farë e pa fis. E ka për fis (dikush) e ka zakon të trashëguar, bën si fisi i tij; ajo sjellje i shkon; i shkon për farë (dikujt); i shkon për gjak (dikujt); ia heq oxhaku (dikujt). Far e fis kushërinj. Vajti në fis (dikush) keq. sillet a vepron si i një fisi të ulët ose sipas edukatës së keqe që ka marrë; e tregon veten se nga vjen, ç’është e sa vlen.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë