Fjalori

Rezultate në përkufizime për “eshkët”

Mëso si ta përdorësh
<<< Kthehu te kërkimi kryesor në fjalor

ESHKËT

ÉSHKËT (i, e) mb. 1. Që përdoret për të bërë eshkë. Kërpudhë e eshkët.
2. Që nuk digjet mirë e nuk bën prush (për drutë). Dru i eshkët.
3. fig. Që është i thatë e i rrudhur (për njerëz). Plak i eshkët. Ishte i eshkët. Më pa me fytyrën e tij të eshkët.
✱Sin.: i thatë, i eshkosur, i eshkuar, i fishkur, i rrudhur, eshkor.

ESHKËTIRË

ESHKËTÍR/Ë,~A f. 1. Dru i eshkët. Shko e merr ca eshkëtirë.
2. fig. përçm. Njeri i eshkët. Ishte bërë një eshkëtirë. Ajo eshkëtira që të rri afër.

FISHKUR

FÍSHKUR (i, e) mb. 1. Që ka humbur njomësinë, që ka humbur ngjyrën, shkëlqimin a bukurinë; i venitur; që është rrudhur e është dobësuar. Gjethet e fishkura ranë. Kishte fytyrë të fishkur. Iu bënë duart të fishkura.
2. fig. Që ka humbur forcën e gjallërinë, që ka humbur gëzimin; i mpitë, i venitur. I foli me zemër të fishkur.
3. fig. Që ka humbur forcën e mëparshme, i dobësuar, i zbutur, i zbehur. Ishte i fishkur në ditët e fundit të jetës.
✱Sin.: i fishkët, i vyshkur, i vyshkët, i venitur, i tharë, i flashkur, i eshkosur, i mpirë, i rrapshtenjtë, i përtharë, fishkaraq, plakarec, i rrudhur, i rrudhosur, i rreshkur, i rreshkët, rreshkataq, rrufak, i eshkët, i eshkosur, i zhubrosur, i qullosur, i dobësuar, i zbehur, i rrëgjuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë