Fjalori

Rezultate në përkufizime për “erudicion”

Mëso si ta përdorësh
<<< Kthehu te kërkimi kryesor në fjalor

EKLEKTIZËM

EKLEKTÍZ/ËM,~MI m., filoz. Mënyrë e të menduarit a metodë që bashkon a përzien pikëpamje, teza e ide, edhe të kundërta, nga sisteme, rryma a shkolla të ndryshme filozofike, politike, artistike etj. Eklektizëm në politikë (në ideologji, në filozofi, në art). Shfaqje eklektizmi. Një eklektizëm pasionant. Ky eklektizëm shpreh njëkohësisht edhe erudicion.

ERUDICION

ERUDICIÓN,~I m. sh. ~E, ~ET libr. Dije të gjera e të thella në një fushë ose në disa fusha të shkencës, të kulturës, të historisë, të letërsisë etj. të fituara përmes leximit, studimit dhe përkushtimit të gjatë. Erudicion i gjerë (i madh, i pasur). Ka erudicion. Erudicion i jashtëzakonshëm për kohën. Kërkon erudicion të madh kulturor.

ERUDIT

ERUDÍT,~E mb., libr. Që shfaq erudicion, që ka fituar dije të gjera e të thella. Shkencëtar (poet, njeri) erudit. U befasua prej figurës erudite të priftit shqiptar. Shkrimtarja erudite. Kultura erudite e kohës.

ERUDIT

ERUDÍT,~I m. sh. ~Ë, ~ËT libr. Ai që ka erudicion, ai që ka fituar dije të gjera e të thella në shumë fusha të dijes. Erudit i madh. Erudit folklori. Eruditi dhe anëtar i parlamentit. Si të gjithë eruditët.

ERUDITE

ERUDÍT/E,~JA f. sh. ~E, ~ET libr. Ajo që ka erudicion, ajo që ka fituar dije të gjera e të thella në shumë fusha të dijes.. E dëgjonte me vëmendje eruditen e ftuar. Eruditja i ishte kushtuar leximit që e vogël.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë