Fjalori

Rezultate në përkufizime për “eptohet”

Mëso si ta përdorësh
<<< Kthehu te kërkimi kryesor në fjalor

EPTIM

EPTÍM,~I m. sh. ~E, ~ET gjuh. 1. Veprimi kur eptoj një fjalë ose kur eptohet. Paradigma e eptimit të foljes “flas”. Pasqyra e eptimit të përemrit pronor.
2. Ndryshimi që pësojnë fjalët në trajtën e tyre gramatikore kur hyjnë në lidhje me fjalë të tjera në fjali; mënyrat e një ndryshimi të tillë dhe tërësia e trajtave të fjalës gjatë këtij ndryshimi; mbaresa e një fjale që ndryshon kur lakohet a kur zgjedhohet. Eptim emëror (foljor, përemëror). Eptim i jashtëm mbaresat e trajtave gramatikore. Eptim i brendshëm ndryshimi i trajtave gramatikore me ndryshimin e tingujve në rrënjën e fjalës. Eptim i shquar (i pashquar).

EPTOHET

►EPT/ÓHET jovep., ~ÚA (u), ~ÚAR vet. v. III, pës. e EPTÓJ. Shënon një qenie a një send dhe që eptohet. Eptohet sipas rasave. Pjesët e ligjëratës që eptohen.

EPTUESHËM

EPTÚESH/ËM (i), ~ME (e) mb., gjuh. Që eptohet; që e ka eptimin si tipar gramatikor. Fjalë e eptueshme. Gjuhët e eptueshme. Forma të eptueshme.

JOEPTIMOR

JOEPTIMÓR,~E mb. Që nuk zgjedhohet ose që nuk lakohet, që nuk eptohet; që nuk e ka sistemin e eptimit të fjalëve; kund. eptimor. Gjuhë joeptimore.
✱Sin.: i palakueshëm, i pazgjedhueshëm.

LAKOHEM

►LAK/ÓHEM jovep., ~ÓVA (u), ~ÚAR 1. vetv. Kthehem a përthyhem si lak, përkulem. Lakohem përpara (thellë). U lakua dega. Lakohet shufra.
2. vet. v. III Bën leqe e dredha, shkon dredha-dredha. Lakohen brezaret kodrave. Lakohet lumi (rruga).
3. fig. Nuk i qëndroj fjalës, i bëj lak fjalës; i shmangem, i bëj bisht një pune; dredhoj. Nuk lakohet asnjëherë.
5. vetv. Merrem nëpër gojë nga dikush; përgojohem. Emrat e tyre u lakuan në të gjitha rasat, megjithëse ata kishin të drejtë.
6. gjuh. E ndryshon trajtën sipas rasave, numrit e gjinisë (për emrin, mbiemrin, përemrin, numërorin, nyjën e për çdo pjesë të ligjëratës që përdoret si emër). Emri dele lakohet si lule. Ndajfoljet (parafjalët) nuk lakohen.
7. pës. e LAKÓJI.
✱Sin.: përkulem, gjarpëron, dredh, mbrinjet, barkëson, dredhoj, mashtroj, shmangem, eptohet.

PAEPTUESHËM

PAEPTÚESH/ËM (i), ~ME (e) mb., gjuh. Që nuk eptohet, që nuk është i eptueshëm, i pandryshueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë