Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ANTONOMAZÍ,~A f. sh. ~, ~TË poet. 1. Figurë stilistike metonimike, kur emri vetjak i dikujt zëvendësohet me një epitet apo një shprehje, p.sh. Plaku i Vlorës për Ismail Qemalin; Plaku i Maleve për Bajram Currin etj. Antonomazi antike. Antonomazi e mirëfilltë. Tipat e antonomazisë. Antonomazia si nënlloj i metonimisë.
2. Përdorimi i një emri vetjak si emër i përgjithshëm; p.sh. donkishot, jago, judë, shvejk etj. Figurshmëria e antonomazisë. Antonomazia e emrave familjarë.
EPITÉT,~I m. sh. ~E, ~ET 1. let. Fjalë përcaktuese pranë emrit të një qenieje, të një sendi etj. që shpreh një tipar karakteristik ose rrit shprehësinë e ligjërimit; emër që i ngjitet dikujt për ta lavdëruar ose për ta fyer. Epitet i bukur (i goditur, i zgjedhur). Epitet fyes (përbuzës). Nuk e përshkruante asnjë epitet tjetër.
2. gjuh. Mbiemër cilësor që lidhet drejtpërdrejt me emrin e përcaktuar pa ndërmjetësinë e ndonjë foljeje. Epiteti në funksion të përcaktorit. Gjeni epitetet në fjali.
TOPSHEQÉR,~E mb., fig. 1. Që ka fytyrë të mbushur dhe të bardhë si sheqeri (zakonisht për fëmijët dhe për gratë e reja; epitet për bukurinë në fytyrë); topolak. Fëmijë topsheqer. Nuse topsheqere. Nipçe topsheqer. Mbesë topsheqere.
2. si em. m. e f. Sipas kuptimit të mbiemrit. E mori topsheqerin kaliqafë. Eja moj topsheqere te gjyshja (përk.).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë