Fjalori

Rezultate në përkufizime për “elektrodë”

Mëso si ta përdorësh
<<< Kthehu te kërkimi kryesor në fjalor

ANODË

ANÓD/Ë,~A f. sh. ~A, ~AT fiz. Elektrodë e polit pozitiv në një burim rryme elektrike ose e lidhur me polin pozitiv; kund. katodë. Pllaka e anodës. Tensioni i anodës.

ANTIKATODË

ANTIKATÓD/Ë,~A f. sh. ~A, ~AT kim. Pllakëz metali e vendosur në gypat rëntgenologjikë, që shërben si objektiv mbi të cilin godasin rrezet katodike (rrezet e rëntgenit); elektrodë me ngarkesë negative e vendosur në gyp elektronik, në të cilin energjia e elektroneve të shpejta kthehen në rrezatim rëntgenologjik, kundërkatodë. Elektronet lëshohen nga antikatoda. Tensioni përshpejtues lëviz elektronet nga katoda drejt antikatodës.

ELEKTRODË

ELEKTRÓD/Ë,~A f. sh. ~A, ~AT 1. fiz. Pjesa e një përcjellësi të ngurtë nga hyn ose nga del rryma elektrike; secili nga dy përcjellësit që zhyten në banjën e elektrolizës. Elektrodë pozitive anodë. Elektrodë negative katodë. Elektrodë qymyri. Elektrodë e polit negativ në një burim rryme. Llambë elektronike me dy elektroda.
2. tek. Shufër metali që përdoret për saldim. Elektrodat e saldimit. Elektroda të madhësive të ndryshme. Elektroda të një rezistence të lartë.

ELEKTROKIMIK

ELEKTROKIMÍK,~E mb. Që lidhet me elektrokiminë, që është karakteristik për elektrokiminë; i elektrokimisë. Elektrodë e një qelize elektrokimike. Transmetim elektrokimik i një sinjali. Proceset elektrokimike. Elementet elektrokimike.

KARBON

KARBÓN,~I m. 1. kim. Element kimik a jometal që është përbërës kryesor i lëndëve organike në natyrë (simboli C). Oksid karboni gaz i përbërë nga karboni dhe oksigjeni, pa ngjyrë e pa shije, që digjet lehtë dhe ka veti helmuese. Sulfur karboni lëng pa ngjyrë dhe helmues, që ka erën e vezës së prishur.
2. Laps i zi për të shkruar; laps i tillë që përdorin zakonisht piktorët për të vizatuar. Vizatim me karbon.
3. tek. Elektrodë qymyri (në një aparat kinematografik etj.).
♦ Letër karboni vjet. letër e hollë e lyer me bojë që përdorej për të bërë kopje në daktilografi.

KATODË

KATÓD/Ë,~A f. sh. ~A, ~AT fiz. Elektrodë e një sistemi elektrik me ngarkesë negative (në një burim rryme); kund. anodë.

MONOPOLAR

MONOPOLÁR,~E mb., fiz. Që ka vetëm një pol ose vetëm një elektrodë (zakonisht për përcjelljen elektrike); njëpolar.

TIRISTOR

TIRISTÓR,~I m. sh. ~Ë, ~ËT elektr. Çelës elektronik gjysmëpërçues me një elektrodë kontrolli që lejon kalimin e rrymës vetëm në një drejtim (zëvendëson tiratronin, vepron më shpejt, dhe është më sigurt).

TRIODË

TRIÓD/Ë,~A f. sh. ~A, ~AT fiz. Llambë elektronike me tri elektroda (një katodë, një anodë dhe një elektrodë komandimi), e shpikur në fillim të shek. XX, e cila kontrollon rrjedhën e elektroneve në vakum përmes një fushe elektrike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë