Fjalori

Rezultate në përkufizime për “elegancë”

Mëso si ta përdorësh
<<< Kthehu te kërkimi kryesor në fjalor

ELEGANCË

ELEGÁNC/Ë,~A f. Mënyrë e hijshme në veshje, në sjellje, në të shprehur etj.; të qenët elegant. Vishet me elegancë. Flet me elegancë. Eleganca e vizatimit dallohej qartë. E zeza në veshje simbolizon elegancën.
✱Sin.: sqimë, hijeshi, hir, qibër.

ELEGANT

ELEGÁNT,~I m. sh. ~Ë, ~ËT Ai që shfaq elegancë në të veshur, në sjellje, në të shprehur. Eleganti i zyrës.

ELEGANTE

ELEGÁNT/E,~JA f. sh. ~E, ~ET 1. Ajo që shfaq elegancë në të veshur, në sjellje, në të shprehur. Elegantja e mbrëmjes. Elegantja e së ardhmes. Vallëzoi me eleganten.
2. Elegancë. Elegantja e gërshetuar me modernen. Elegantja e thjeshtë dhe e përjetshme.

LABAN

LABÁN,~E mb. Që kombinon vallëzimin, muzikën dhe teatrin për të treguar histori ose për të shprehur emocione; stil vallëzimi që kërkon disiplinë, elegancë dhe teknikë të saktë. Sistemi laban në balet sistem notash për të shënuar, për të analizuar dhe për të mësuar lëvizjet në balet dhe në artet e tjera përmes simbolesh grafike, që shënojnë drejtimin, shtrirjen, intensitetin dhe cilësinë e tyre. Vallëzim laban.

MADHËSHTI

MADHËSHTÍ,~A f. sh. ~, ~TË 1. Cilësia ose gjendja e të qenët madhështor; diçka madhështore. Përshkruaj madhështinë e Ditës së Flamurit. E festuam festën e Pavarësisë me madhështi. Në këto letra duket madhështia e autorit.
2. Pamje madhështore, bukuri mbresëlënëse. Yjet ndriçojnë me madhështi qiellin. Këto ndërtesa kanë një madhështi dhe elegancë të jashtëzakonshme. Parakalonin me madhështi.
3. Diçka e mrekullueshme që bart gjithë shkëlqimin a luksin e mundshëm (për një pallat, ndërtesë etj.). Nuk i gjeti më gjithë pasuritë e madhështitë e dikurshme. Ajo ndërtesë ishte më madhështorja ndër gjithë madhështitë e kësaj bote.
4. Të mbajturit me të madh, kryelartësi, mendjemadhësi. Ishte verbuar nga madhështia. Marrëzia e madhështisë po e merr më qafë aktorin. I kishte hyrë madhështia dikujt i ishte rritur mendja.
✱ Sin.: të madh, madhëri, madhështore, mendjemadhësi, kryelartësi.

MPREHTËSI

MPREHTËSÍ,~A f. 1. Të qenët i hollë dhe që pret shpejt ose që të shpon, vetia e diçkaje me teh të mprehtë (për thikën, briskun etj.) ose me majë të mprehtë. Mprehtësia e thikës (e shpatës, e gërshërëve). Mprehtësia e dhëmbëve. S’ka mprehtësinë e duhur. Zog që dallohet për mprehtësinë e sqepit.
2. Të qenët i hollë, i hequr e i zgjatur nga mjekra. Mprehtësia e tipareve të fytyrës.
3. Të qenët i lartë e therës, të qenët i thekshëm a i mprehtë (për zërin). Mprehtësia e zërit.
4. Të qenët i zgjuar e i shkathët nga mendja, të pasurit mendje të mprehtë (për njerëzit). Ka mprehtësi të madhe. Dallohet për mprehtësi mendimi. Ju përgjigj me mprehtësi. Shmang problemet me mprehtësi.
5. Të qenët i thellë, i zgjuar dhe i goditur (për mendimet, për idetë, për thëniet, për fjalët etj.). Gjuha e tyre ishte e pasur dhe zotëronte mprehtësi dhe elegancë.
6. Të qenët i rëndësishëm, i ngutshëm dhe i vështirë për t’u zgjidhur. Të gjitha problemet marrin përsëri mprehtësinë e tyre.
✱Sin.: zgjuarsi, holli, thekshmëri.

TUSKËZOJ

TUSKËZ/ÓJ vep., ~ÓVA, ~ÚAR kal. Vesh e mbath bukur, me elegancë. I tuskëzon fëmijët.

VERTIKALIZOJ

VERTIKALIZ/ÓJ vep., ~ÓVA, ~ÚAR kal. 1. gjeom. Heq një vijë të pingultë, a një kulmore mbi një figurë a trup gjeometrik. E vertikalizoi pingulen mbi një figurë gjeometrike.
2. Mbështet duart dhe ngrihem me këmbët lart pingul, vertikalisht dhe bëj vertikalen (në ushtrimet gjimnastikore). Gjimnastja e vertikalizoi vertikalen me shumë elegancë dhe shkathtësi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë