Fjalori

Rezultate në përkufizime për “elefant”

Mëso si ta përdorësh
<<< Kthehu te kërkimi kryesor në fjalor

ELEFANT

ELEFÁNT,~I m. sh. ~Ë, ~ËT zool. 1. (lat. Elephas) Kafshë gjitare e viseve të ngrohta të Afrikës e të Azisë, me trup shumë të madh, me veshë të gjerë, me feçkë të gjatë dhe me dhëmbë të mëdhenj e të kthyer. Elefant i zi (i murrmë). Elefanti i Afrikës (i Azisë). Dhëmbë elefanti. Tufë elefantësh. Gjuetia e elefantëve.
2. Element i parë i emërtimeve të pathjeshta për lloje kafshësh. Elefant deti (zool.) lloj foke me feçkë si të elefantit.

FIL

FIL,~II m. sh. ~A, ~AT zool. Elefant. Fil i murrmë. Udhëtonte me fil.

FOKË

FÓK/Ë,~AI f. sh. ~A, ~AT 1. zool. (lat. Phoca) Gjitar i deteve polare, me trup të madh e me qafë të shkurtër, me këmbë si lopatë, me lëkurë të mbuluar me qime të shkurtra, që ushqehet me peshq dhe që gjuhet zakonisht për t’i marrë dhjamin e lëkurës. Mish (lëkurë) foke. Ushqimi i fokave.
2. zool. Pjesë e parë e emërtimeve të pathjeshta që tregojnë lloje të ndryshme fokash. Fokë elefant (lat. Mirounga leonina). Foka e Kaspikut (lat. Pusa caspica). Foka e Mesdheut (lat. Monachus monachus). Foka e përhime (lat. Holichoerus grypus).
3. bised., mospërf. Njeri i trashë, i rëndë e i ngathët, që mezi lëviz. Ishte bërë si fokë.

MAMUTH

MAMÚTH,~I m. sh. ~Ë, ~ËT 1. Elefant i madh i zhdukur, me kurriz të pjerrët dhe dhëmbë të gjatë e të harkuar. Gjurmë mamuthi. Feçka e mamuthit. Epoka e mamuthëve. Në kohën e mamuthëve. Sulmi i një mamuthi të ngathët.
2. Diçka që ka përmasa të mëdha. Kam drojë nga mamuthi i shpërfilljes.

MINUK

MINÚK,~U m. sh. ~Ë, ~ËT 1. Mi i vogël, miush. Një minuk i vogël trembi një elefant të madh.
2. Qen i vogël. Lehte minuku.
3. fig., bised. Fëmijë i vogël, vocërrak. Minuku pëlqente filmat vizatimorë.
4. fig., bised., mospërf. Burrë ose djalë i shkurtër, shkurtabiq. Minuku kërkon të shtiret si div.
✱Sin.: miush, vocërrak, shkurtabiq.

SHUMËTONËSH

SHUMËTÓNËSH,~E mb. Që peshon shumë tonë; që nxë shumë tonë; që mund të mbajë a të ngrejë një peshë prej shumë tonësh. Elefant shumëtonësh. Raketa shumëtonëshe. Bllok shumë tonësh. Kamion shumëtonësh.

TAHTERIVAN

TAHTERIVÁN,~III m. sh. ~Ë, ~ËT vjet. 1. Vig i mbuluar që përdorej për të mbartur me deve, me elefant a me kalë mbretin, mbretëreshën etj. ose për të transportuar të sëmurë; baldakin.
2. Shregull, kolovajzë.
✱Sin.: vig, baldakin, kolovajzë.

VIÇARRON

VIÇARRÓN,~I m. sh. ~Ë, ~ËT 1. Viç i njomë. Viçarroni i lopës (i drerit).
2. Pjella, i vogli i disa gjitarëve (balenë, elefant etj.). Viçarroni i elefantit (balenës).
3. anat. Pulpë, pulpa e këmbës. Viçarroni i këmbës. E mori plumbi në viçarron të këmbës.
✱Sin.: viçoke, pulpë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë