Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ADÁXHIO,~JA f. sh. ~, ~T muz. 1. Vepër muzikore ose një pjesë e një vepre muzikore, që ekzekutohet me ritëm të qetë, me kohë të ngadalshme e të zgjatur duke krijuar një ndjesi qetësie ose solemniteti;
2. Lëvizje të ngadalta dhe të drejtpeshuara të çifteve balerine kur njëri partner (zakonisht balerini) ndihmon balerinën të realizojë lëvizje elegante dhe ritmike.
ARABÉSK/Ë,~A f. sh. ~A, ~AT 1. arkit., pikt. Lloj zbukurimi në stilin arab me figura gjeometrike dhe me motive nga bimësia të ndërthurura me larmi të madhe dhe shpesh të kombinuara me thënie nga Kurani, që përdoren në arkitekturë, në objekte të ndryshme, në qilima, në dorëshkrime etj.; linja fantastike në pikturë.
2. muz. Kompozim i shkurtër, i gjallë, i ndërthurur me tone e ngjyrime të muzikës popullore, që ekzekutohet me instrumente muzikore të Lindjes së Mesme, si saze, darabuk etj.
3. balet. Një figurë klasike e baletit kur kërcimtari ose kërcimtarja qëndron në njërën këmbë, ndërsa këmba tjetër rri e shtrirë prapa.
DHÓM/Ë,~A f. sh. ~A, ~AT 1. Kthinë në një banesë a në një ndërtesë (përveç kuzhinës e banjës), e ndarë më vete me mure dhe e pajisur me derë e me dritare më vete; kthinë. Dhomë e vogël (e madhe). Dhomë e ftohtë (e ngrohtë). Dhomë përdhese. Dhoma (oda) e mirë. vjet. dhoma e pritjes. Dhoma e pritjes (e miqve). Dhoma e gjumit (e ngrënies, e bukës). Dhoma e zjarrit (e dimrit) dhomë me oxhak a me sobë ku rrihet në dimër. Dhomë tharjeje dhomë e posaçme për të nderë e për të tharë rrobat e lara. Dhoma njëzet. Dhomë me diell (me lagështi). Dritaret (dera, dyshemeja, muret) e dhomës. Shtëpi me dy dhoma. I rregulloj (fshij, pastroj, ajroj) dhomën.
2. Kthinë a e ndarë në një institucion, në një vend etj., e pajisur me orenditë e me mjetet e nevojshme për një qëllim të caktuar etj. Dhoma e lindjes. Dhoma e mjekut. Dhoma e pranimit. Dhomë komandimi.
3. bised. Tërësia e orendive për të pajisur një dhomë për nevojat përkatëse. Bleu një dhomë gjumi.
4. spec. Pjesë e një aparati, e një makine etj. si një kthinë shumë e vogël a si një zgavër etj., e cila shërben për një veprim të caktuar; dhomëz. Dhoma e djegies. Dhoma e distilimit (e avullit). Dhomë thithjeje (tharjeje). Dhoma e aparatit fotografik.
5. spec. E ndarë e vogël e kufizuar nga të gjitha anët në organet e qenieve të gjalla; dhomëz. Dhoma e bashkimit. Dhoma e farës.
6. polit. Institucion përfaqësues me pushtet ligjvënës në disa vende, organ ligjvënës; tërësia e përfaqësuesve që përbëjnë këtë institucion. Dhoma e lartë (e ulët). Dhoma e deputetëve. Dhoma e komuneve (e lordëve). Sistemi i dy dhomave.
7. Institucion shtetëror që merret me bashkërendimin e veprimtarive të ndryshme ekonomike. Dhoma e tregtisë.
8. Secila nga të ndarat e një hoteli, moteli a konvikti ku flenë bujtësit. Mora një dhomë për ca ditë. Sa kushtonte dhoma? Kishte disa dhoma të lira. Dhomë dyshe (treshe). Hotel me dyzet dhoma. Fle në një dhomë me dikë.
9. Element i dytë në një emërtim të pathjeshtë që tregon një lloj muzike klasike. Muzikë dhome muzikë që ekzekutohet në salla të vogla nga grupe me pak instrumentistë.
10. bot. Pjesë e dytë në një emërtim të pathjeshtë për një klasë lulesh që rriten në mjedise të brendshme. Lule (bimë) dhome lule që mbahet në dhomë.
✱Sin.: kthinë, odë, konak, e ndarë, dhomëz.
►EKZEKUT/ÓHEM jovep., ~ ÓVA (u), ~ÚAR pës. e EKZEKUTÓJ. Vallet e kënduara që ekzekutohen në dasma. Një dispozitë do të ekzekutohet si një vepër penale. Vendimi duhet të ekzekutohet menjëherë.
EKZEKUT/ÓJ vep., ~ÓVA, ~ÚAR 1. libr. Zbatoj një ligj, vendim, urdhër etj. Ekzekutoj vendimin. Ekzekutoj urdhrin. Ekzekutoj me përpikëri. Mënyra se si do të ekzekutohet urdhri nuk thuhej. Organet që ekzekutojnë këto vendime.
2. drejt. Zbatoj dënimin me vdekje të dikujt. E ekzekutuan me pushkatim (me varje).
3. Vras. Ekzekutoi në mes të lokalit. Ekzekutoi me armë zjarri. E ekzekutoi për hakmarrje.
4. muz. Luaj a interpretoj një pjesë muzikore. Ekzekutoj një valle. Ekzekutoj me violinë. Ekzekutoj në piano. Ndonjëri nga burrat di të ekzekutojë, i vetëpërcjellë me çifteli e lahutë, këngë të ndryshme. Vetëm kitaristët më me përvojë mund ta ekzekutonin si duhej.
5. sport. Kryej, bëj lëvizje të caktuara të teknikës së një sporti. Ekzekutoj një ushtrim gjimnastikor. Ekzekutoi goditjen e dënimit me mjeshtëri. Ekzekuton penalltinë. Mesfushori ekzekuton një goditje nga këndi.
✱Sin.: zbatoj, realizoj, luaj, interpretoj, kryej, performoj, vras.
EKZEKUTÚESH/ËM (i), ~ME (e) mb. Që mund të zbatohet, që mund të ekzekutohet. Akt i ekzekutueshëm. Vendimet e formës së prerë janë të ekzekutueshme menjëherë. Çmimet e ekzekutueshme. Vendimi nuk është ende i ekzekutueshëm.
✱Sin.: i zbatueshëm, i realizueshëm, i interpretueshëm.
PAEKZEKUTÚESH/ËM (i), ~ME (e) mb. Që nuk mund të ekzekutohet. Vendim i paekzekutueshëm.
►PERFORM/ÓHET jovep., ~ÚA (u), ~ÚAR vetv., vet. v. III Kryhet, bëhet, ekzekutohet. Në sheshin “Pavarësia” performohet çdo nëntor.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë