Fjalori

Rezultate në përkufizime për “ekspozoj”

Mëso si ta përdorësh
<<< Kthehu te kërkimi kryesor në fjalor

EKSPOZIM

EKSPOZÍM,~I m. sh. ~E, ~ET 1. Veprimi kur ekspozoj diçka ose kur ekspozohem. Monumenti është nxjerrë jashtë ekspozimit. Koha e ekspozimit të filmit ndaj dritës. Ekspozim ndaj riskut. ek.
2. Gjendja kur diçka është e ekspozuar. Ekspozimi për muaj me radhë në natyrë.

EKSPOZOJ

EKSPOZ/ÓJ vep., ~ÓVA, ~ÚAR kal. 1. Paraqit diçka (vepra arti, botime, mallra etj.) në ekspozitë. Ekspozoj prodhime bujqësore në panair. Piktori ekspozon në Galerinë e Arteve. Ekspozoi dorëshkrimet origjinale të shkrimtarit. Muzeu ka ekspozuar objektet e dhuruara nga të afërmit.
2. Vë diçka në një vend të dukshëm a në një vitrinë për ta parë të tjerët; e vë diku që të bjerë në sy. Ekspozoj mallrat (në dyqan). Ekspozoj librat. Ekspozoj lodrat për fëmijë.
3. Zbuloj diçka të mbuluar. Ushtria ekspozon armët e veta. Një studim ekspozon pabarazinë gjinore në këshillat bashkiakë. Ekspozoi padrejtësitë dhe të metat e sistemit global.
4. fig., libr. Përfush. Ekspozoj një program pune. E ekspozoi keqas para të tjerëve. Portretin e vajzës nuk do ta ekspozojmë.
✱Sin.: paraqit, zbuloj, shtjelloj.

MBIEKSPOZOJ

MBIEKSPOZ/ÓJ vep., ~ÓVA, ~ÚAR kal. 1. E ekspozoj dikë ndaj diçkaje në një masë të madhe ose më të madhe nga sa nevojitet; e shfaq më shumë nga sa duhet. Mbiekspozoj një pjesë të trupit.
2. E vë nën efektin e ndriçimit mbi masën normale ose mbi nivelin e pranueshëm (për aparatet që punojnë me lente); përdor një teknikë fotografike në të cilën ndriçimi i fortë jep foto më të ndritshme duke rezultuar në humbje të detajeve; kund. nënekspozoj. Opsioni ‘program’ shpesh i mbiekspozonte fotografitë.

PËRFUSH

PËRFÚSH vep., ~A, ~UR kal. Nxjerr në shesh diçka; zbuloj para të tjerëve një anë të dobët të dikujt; ekspozoj.
✱Sin.: përfushoj, zbuloj, ekspozoj, nxjerr, shfaq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë