Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
EKSPORTÍM,~I m. sh. ~E, ~ET 1. Veprimi kur eksportoj diçka ose kur eksportohet; kund. importim. Eksportimi i mallrave. Eksportimi i prodhimeve bujqësore (industriale). Eksportimi i drurit të arrës. Ka edhe eksportim jo të kontrolluar nga shteti. Eksportimi i kapitalit. ek. Eksportimi i ideve. Plani i eksportimit.
2. kryes. sh. Mallrat që nxirren jashtë shtetit për shitje. Vlera e eksportimeve. Pesha e eksportimeve. Regjistrimi i eksportimeve. Eksportime të armëve. Eksportime të grurit.
IMPORT/ÓJ vep., ~ÓVA, ~ÚAR kal. 1. Blej mallra a prodhime të ndryshme jashtë shtetit dhe i sjell për nevojat e vendit; kund. eksportoj. Importojnë lëndë të parë (makina, traktorë, pjesë këmbimi, naftë). Importojnë drithë (bagëti).
2. fig. Marr a sjell nga vendet e tjera diçka. Importoj modën (muzikën, stilin).
JÁSHTË ndajf. 1. Në vendin a në hapësirën që nuk përfshihet brenda kufijve të diçkaje, jo brenda diçkaje; përtej caqeve të diçkaje, matanë kufijve të një vendi; në një vend të hapur, jo brenda hapësirës së diçkaje; kund. brenda. Jashtë në oborr (në rrugë). E nxori jashtë (nga dhoma, nga shtëpia, nga klasa). Dal jashtë. E nxori topin jashtë (sport.). Jashtë fryn (bie shi). Dalin këmbët jashtë (në krevat). U derdh qumështi jashtë (nga ena). Ç’binte jashtë, hynte brenda. I nxori zorrët jashtë. Nxjerr jashtë (bised.) eksportoj. Jashtë rrezikut për jetën.
2. Jo në shtëpi, në një vend tjetër. U gdhi jashtë. Fjeti jashtë. Ha jashtë ha në restorant. Mbeti jashtë.
3. Jo brenda një grupi shoqëror, një familjeje, një njësie administrative, një ndërmarrjeje, një organizate etj.; kund. brenda. E nxorën jashtë nga bashkësia. - Ç’thonë jashtë? - Mos fol jashtë! Doli fjala (e fshehta) jashtë. Mbeti jashtë nuk e përfshinë, nuk e futën (në një listë, në një lojë etj.).
4. Përveç, jashta.
5. si em. Pjesa ose ana e jashtme e një sendi, pjesa ose ana që duket; sipërfaqja e një sendi; kund. Brenda. I gërvishtur nga jashtë. Duket i bukur nga jashtë. Lyej (zbardh, nxij, zbukuroj) nga jashtë. Mos e shih nga jashtë! (fj. u.).
6. si em. Vendet, shtetet matanë kufijve të vendit tonë, vendet e huaja. Nuk sjellim më drithë nga jashtë. U kthye nga jashtë. Marrëdhëniet me jashtë.
7. si mb. Që ka dalë nga vendi i vet, që nuk është në vendin e vet; i zbuluar, i zhveshur. Me këmishë jashtë. Me xhepat jashtë. Me kokën (me këmbët, me barkun) jashtë.
♦ Bie jashtë. 1. (diçka). Nuk pajtohet me diçka tjetër, është në kundërshtim me të; përjashtohet nga rregulli. 2. (dikush). Nuk ia qëllon diçkaje, e ka gabim, është larg së vërtetës, gabon. Dal jashtë euf. bëj nevojën e madhe. Nuk i dal në *sy (dikujt). I dolën *sytë jashtë (nga vendi) (dikujt). I ka dalë *syri jashtë (dikujt) përb. *Djepi plot e këmbët jashtë (dikush) iron. Është gdhirë jashtë (dikush) iron. nuk është në gjendje të mirë, është i lodhur, i hutuar a i topitur; nuk di se ç’bëhet rrotull tij, nuk sheh e nuk kupton ç’po ndodh. Mban *draprin në thes e majën jashtë (dikush). Mbeti me *dhëmbët jashtë (dikush). E nxori hundën jashtë (dikush) u hodh në një veprim, nuk qëndroi në pritje dhe i mbyllur diku, doli i vendosur për të bërë diçka.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë