Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DYSHÍM,~I m. sh. ~E, ~ET 1. Veprimi kur dyshoj për dikë a për diçka; pasiguri, lëkundje e mosbesim për vërtetësinë ose për saktësinë e diçkaje, për mundësinë e plotësimit të një pune etj. Dyshim i pathemeltë (i kotë). Ndjenja e dyshimit. Pa asnjë dyshim (pa pikë dyshimi) sigurisht, me siguri, patjetër. S'ka dyshim që... (se...) me siguri që..., sigurisht që..., patjetër që... Ka një dyshim të vogël. Ka shumë dyshim.
2. Gjendja kur jam i dyshuar ose kur dyshoj për dikë a për diçka; gjendja kur dyshoj; ndjenjë pasigurie, lëkundjeje e mosbesimi për dikë a për diçka. E ha (e bren, e mundon) dyshimi. Shpreh (heq) dyshimin. S’lë asnjë dyshim. Vë (vihet) në dyshim. Bie në dyshim. Pret (sheh) me dyshim. - Lëri dyshimet! Kishte disa dyshime. U çlirua nga dyshimet.
3. Mendimi se dikush nuk është ndoshta aq i mirë sa duket, mendimi pak a shumë i bazuar se dikush është njeri jo i mirë; të menduarit keq për dikë a për diçka. Ka dyshim (për dikë). I ngjall dyshim. Ka dyshime të shumta. Mbi të bie dyshimi.
✱Sin.: hamendësim, supozim, mëdyshje, ndërdyshje, dilemë, dyzim, merak.
DYSÓR,~I m. sh. ~Ë, ~ËT gjuh. Që ka të të njëjtin kuptim leksikor me një tjetër; trajta fonetike a gramatikore që ka të njëjtën vlerë normative me një tjetër. dysi. Dysor kuptimor. Dysor gramatikor (morfologjik, sintaksor). Dysor drejtshkrimor. Dysor normativ. Mënjanmi i dysorëve të panevojshëm.
✱Sin.: dysi, dyzim, dublet.
DYZÍM,~I m. sh. ~E, ~ET 1. Veprimi kur dyzoj a kur dyzohem; lëkundje a qëndrim i pavendosur midis dy gjërave a dy anëve. Veproj pa dyzime.
2. Mëdyshje. Dyzim i thellë. Me (pa) dyzim. Ka (plot) dyzime.
3. Prani a bashkëjetesë në të njëjtën kohë e dy sendeve, e dy dukurive, e dy trajtave, e dy mënyrave etj., që shpesh kundërshtojnë a përjashtojnë njëra-tjetrën.
4. gjuh. Dysor. Ka edhe dyzime.
✱Sin.: dyfishim, ngurrim, dyshim, dysor.
DYZÚES,~E mb. 1. Që shërben për të dyfishuar; që ka dy pjesë, dy funksione, apo dy vlera të ngjashme. Buton dyzues. Maskë dyzuese. Sistem dyzues për rritjen e fuqisë.
2. Që shpreh dyzim a lëkundje. Tension dyzues. Aspekte dyzuese.
3. si em. m. e f. Sipas kuptimit të mbiemrit. Dyzues sinjali. Dyzuesi në sistemin elektrik. Dyzuesit semantikë.
LËKÚNDJ/E,~A f. sh. ~E, ~ET 1. Veprimi kur lëkund dikë a diçka ose kur lëkundem.
2. Lëvizje që përsëritet disa herë sa nga një anë në tjetrën, sa përpara-prapa ose sa lart-poshtë; dridhje që shkaktohet kur lëkundet diçka. Lëkundje e fuqishme (e lehtë, e vogël). Lëkundje e lirë. Lëkundje elektromagnetike. Lëkundje e varkës (e qerres). Lëkundjet e tërmetit ishin të forta.
3. fig. Paqëndrueshmëria e diçkaje, luhatje; tronditje. Lëkundjet e vazhdueshme të çmimeve. Periudhë lëkundjesh të mëdha.
4. Gjendje dyshimi a pasigurie, gjendja kur dikush është në mëdyshje për të bërë diçka; mungesë qëndrueshmërie a vendosmërie, të qenët i pavendosur a i lëkundshëm. Kishte (shfaqi) lëkundje.
✱Sin.: valëvitje, valëzim, dridhje, trandje, përkundje, tundje, dobësim, ligështim, trembje, tronditje, pasiguri, dyshim, paqëndrueshmëri, luhatje, pavendosmëri, dyzim.
NGURRÍM,~I m. sh. ~E, ~ET 1. Veprimi dhe gjendja kur ngurroj. Ngurrimi për t’u hedhur në luftë. Në një çast ngurrimi.
2. Qëndrim i pavendosur për të bërë diçka, mungesë vendosmërie, lëkundje. Ngurrime të kota (të përkohshme). Pati ca ngurrime. I dhanë fund çdo ngurrimi. E bënë pa ngurrime. Me një farë ngurrimi.
✱Sin.: pavendosmëri, lëkundje, luhatje, ndërdymje, hezitim, mëdyshje, dyshim, dyzim, druajtje, stepje, skrupull, teklif.
PAVENDOSMËRÍ,~A f. Të qenët i pavendosur; vendosmëria për diçka; qëndrimi i një njeriu të pavendosur; kund. vendosmëri. Pavendosmëri politike. Pavendosmëri në vendimmarrje. Shfaqje pavendosmërie.
✱Sin.: lëkundje, ngurrim, hezitim, mëdyshje, ndërdyshje, paqëndrueshmëri, dyzim.
SKIZOFRENÍ,~A f. sh. ~, ~TË mjek. Sëmundje e rëndë mendore, që shfaqet me dyzim të botës së brendshme të të sëmurit për shkak të çrregullimeve në bashkërendimin e proceseve psikike, gjë që sjell paaftësinë për të vepruar në përputhje me realitetin. Dita-ditës po shfaqte simptomat e një skizofrenie kronike. Kishte simptomat e skizofrenisë së pleqërisë. Vuan nga skizofrenia.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë