Fjalori

Rezultate në përkufizime për “dyshohet”

Mëso si ta përdorësh
<<< Kthehu te kërkimi kryesor në fjalor

ARRESTOJ

ARREST/ÓJ vep., ~ÓVA, ~ÚAR drejt., kal. Kap ose ndaloj një njeri që dyshohet për kryerjen e një vepre të dënueshme me ligj dhe e mbaj në arrest; vë dikë në arrest në emër të ligjit; ndaloj. Arrestoj dikë. Arrestoi një keqbërës. E arrestoi në vend. U arrestuan shkelësit e ligjit.
✱Sin.: paraburgos, burgos, ndaloj, prangos, ndëshkoj.

DYSHIMTË

DYSHÍMT/Ë,~I (i) m. sh. ~Ë, ~ËT (të) Ai për të cilin dyshohet për diçka, se nuk është i mirë, i pastër e i ndershëm, se është fajtor, vjedhës, vrasës etj.; i dyshuar. Lista e të dyshimtëve. Të dyshimtët u arrestuan.

DYSHOHET

►DYSH/ÓHET jovep., ~ÚA (u), ~ÚAR vet. v. III 1. vetv. Mendohet, supozohet, ka dyshime mbi dikë ose diçka. Dyshohet për drogë. Dyshohej se ishte spiun (vjedhës). Dyshohej se kishte kancer. Për këtë s’mund të dyshohet.
2. pës. e DYSHÓJ. Ai dyshohet nga policia për këtë ngjarje.

ENTERIT

ENTERÍT,~I m., mjek. Pezmatim i mukozës së zorrës së hollë. Enteriti prish ekuilibrin e zorrëve. Testet e gjakut përcaktojnë shkaqet e enteritit. Dyshohet se enteriti është për shkak të helmimit.

HAMENDEM

►HAMÉND/EM jovep., ~A (u), ~UR pës., kryes. v. III Dyshohet, merret me mend diçka, hamendësohet.

PARABURGOS

PARABURGÓS vep., ~A, ~UR drejt., kal. Ndal një njeri që dyshohet për një faj a një krim dhe e mbaj në një vend të posaçëm, pa të drejtë të largohet deri sa të jepet vendimi nga ana e gjykatës.
✱Sin.: paraburgoj, arrestoj, ndaloj.

PARABURGOSJE

PARABURGÓSJ/E,~A f. sh. ~E, ~ET drejt. 1. Veprimi kur burgos dikë ose kur paraburgoset dikush.
2. Gjendja pasi burgos dikë ose pasi paraburgoset dikush.
3. drejt. Koha nga dita e ndalimit të dikujt që dyshohet për një faj a krim deri kur jepet vendimi i dënimit nga ana e gjykatës.
✱Sin.: paraburgim, arrestim, arrest, ndalim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë