Fjalori

Rezultate në përkufizime për “dykuptimshëm”

Mëso si ta përdorësh
<<< Kthehu te kërkimi kryesor në fjalor

AMBIGJEN

AMBIGJÉN,~E mb. 1. libr. Që nuk është i qartë; që krijon mundësi për më shumë se një interpretim; që shkakton paqartësi ose keqkuptim. Tekst ambigjen. Poezi ambigjene. Porosi ambigjene. Lajm ambigjen. Sjellje ambigjene. Qëndrim ambigjen.
2. mjek. Dygjinor, i dygjinishëm.
3. gjuh. I dygjinishëm.
✱Sin.: i dykuptimshëm, i shumëkuptimshëm, i dyshimtë, i paqartë.

AMBIGJENI

AMBIGJENÍ,~A f. 1. Të qenët i dykuptimshëm, të qenët kuptimisht i paqartë dhe i hapur për interpretim; gjendja ose cilësia e të qenit ambigjen. Ambigjenia e tij krijoi paqartësi në publik. Ambigjenia pranohet ndonjëherë në diplomaci por jo në drejtësi. Ambigjenia e mesazhit e vështirësoi vendimmarrjen.
2. mjek. Të qenët i dygjinishëm, të qenët dygjinor.
3. gjuh. Dygjinishmëri; ndërrimi i gjinisë mashkullore në gjini femërore së një emri kur kalon nga numri njëjës në shumës, si mal i lartë – male të larta, ujë i ftohtë – ujëra të ftohta.
✱Sin.: dykuptimësi, dyshimësi, paqartësi, dygjinishmëri.

AMBIVALENT

AMBIVALÉNT,~E mb., libr. Që ka vlerë të dyfishtë, që është i dyvlershëm ose i dykuptimshëm; që ka ose shpreh ndjenja, qëndrime, ide, mendime të dyzuara e të kundërta në të njëjtën kohë për dikë a për diçka.
✱Sin.: i dyvlershëm, i dykuptimshëm, i dyfishtë, i dyanshëm, dyvalent.

AMFIBOLI

AMFIBOLÍ,~A f., libr. 1. Të qenët i dykuptimshëm, i paqartë, ambigjen.
2. gjuh., poet. Figurë stilistike me kuptim të dyfishtë; dykuptimësi poetike, lojë fjalësh, ironi. Amfiboli sintaksore. Amfibolia leksikore (frazeologjike). Amfiboli enigmatike.
✱Sin.: dykuptimësi, dymendimësi, pakuptimësi, paqartësi.

AMFIBOLIK

AMFIBOLÍK,~E mb. I dykuptimshëm, i dymendimshëm, i paqartë, i dyshimtë. Shprehje amfibolike. Ligjëratë amfibolike. E folur amfibolike. Poezia e tij ka stil amfibolik.

DYKUPTIMSHËM

DYKUPTÍMSH/ËM (i),~ ME (e) mb. Që ka dy kuptime, që ka kuptim të dyfishtë, i dykuptimtë; që është i errët e mund të merret edhe ndryshe, që nënkupton edhe diçka tjetër. Formulim i dykuptimshëm. Fjalë e dykuptimshme. Përgjigje e dykuptimshme.

DYKUPTIMTË

DYKUPTÍMTË (i, e) mb. I dykuptimshëm.

DYKUPTIMËSI

DYKUPTIMËSÍ,~A f., libr. Të qenët i dykuptimshëm; dykuptueshmëri. Dykuptimësia e një fjale (e një trajte).

DYSHËM

DÝSH/ËM (i),~ME (e) mb. 1. I dyfishtë. Mundim i dyshëm. Lodhje e dyshme.
2. I dykuptimshëm. Thënie e dyshme.
3. I ndërsjellët. Sjellje (marrëdhënie) e dyshme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë