Fjalori

Rezultate në përkufizime për “dyditor”

Mëso si ta përdorësh
<<< Kthehu te kërkimi kryesor në fjalor

DY

DY fjalëform. Pjesë e parë e disa fjalëve të përbëra, që i përgjigjet kuptimit të numërorit dy (p.sh. i dyanshëm, dydegësh, dyditor, dyvjeçar etj.).

DYDITOR

DYDITÓR,~E mb. Që zgjat dy ditë; që kryhet brenda dy ditëve. Marshim dyditor. Seminar dyditor. Bisedime dyditore. Mbledhje (konferencë) dyditore.

DYDITËSH

DYDÍTËSH,~E mb. 1. Që është bërë a është gatuar para dy ditësh (për bukën, gjellën etj.). Bukë (gjellë) dyditëshe.
2. Që zgjat dy ditë, dyditor. Konferencë dyditëshe. Udhëtim dyditësh.

EKSKURSION

EKSKURSÍON,~I m. sh. ~E, ~ET Udhëtim i shkurtër që bëhet zakonisht nga disa veta për të parë një vend ose për t’u dëfryer. Ekskursioni i planifikuar. Ekskursion mësimor. Ekskursion në vende historike. Ekskursion dyditor. Shkuan në ekskursion.

MARSHIM

MARSHÍM,~I m. sh. ~E, ~ET 1. Eci përpara si grup në një drejtim të caktuar për të protestuar kundër diçkaje ose për të shprehur një ide. Marshimi i batalionit. Marshimi i pandalshëm. Rifilluan marshimin, duke vënë para fëmijët, bagëtinë dhe orenditë. Marshimi i më shumë se 100 mijë njerëzve nga të gjitha drejtimet drejt sheshit kryeministror. Sindikalistët nisën marshimin që nga Bulevardi Mbretëror.
2. Ecje me hap të rregullt, sipas një ritmi të rreptë e të caktuar, zakonisht të shpejtë.
3. usht. Lëvizja e një njësie ushtarake nga një vend në një tjetër për të plotësuar një detyrë, duke qenë e rreshtuar në një mënyrë të caktuar. Marshim ushtarak. Marshim i gjatë (i shpejtë, i lodhshëm, dyditor) i trupave ushtarake. Toga ishte në formacion marshimi. Filluan marshimin.
4. sport. Ecje në grup bashkë me të tjerë për t’u kalitur fizikisht ose për të arritur diku.
5. Ekzekuton një marsh një bandë muzikore. Shoh marshimin tradicional të bandës frymore të qytetit. Veglat e tunxhit të bandës shoqëronin marshimin e një parade.
✱Sin.: ecje, përparim.

SEMINAR

SEMINÁR,~I m. sh. ~E, ~ET 1. Mësim kryesisht në shkollat e larta, ku studentët diskutojnë rreth një teme a një vepre. Orët e seminarit. Nuk kishte folur fare në seminare. Tema do të trajtohej gjerësisht në orët e seminarit.
2. Mësime që zhvillohen me grupe në periudha të shkurtra për ngritjen profesionale ose për kualifikimin e mëtejshëm të punonjësve. Seminar dyditor. Seminar me mësuesit. Organizoi një seminar. Merr pjesë në një seminar.
3. Shkollë që përgatit priftërinj. Kishte mbaruar studimet në seminar. Ndoqi seminarin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë