Fjalori

Rezultate në përkufizime për “dudë”

Mëso si ta përdorësh
<<< Kthehu te kërkimi kryesor në fjalor

GUGUÇE

GUGÚÇ/E,~JA f. sh. ~E, ~ET zool. 1. Kumri.
2. fig., përk. Vajzë e pastër dhe e bukur. - Ti, guguçe, pse s’këndon ?
3. fig., përk. Fëmijë i vogël; pëllumb, pëllumbeshë.
✱Sin.: gugushe, kumri, dudë.

LLOKUM

LLOKÚM,~I m. sh. ~E, ~ET [LLOKUM/E,~JA f. sh. ~E, ~ET] 1. Ëmbëlsirë e butë që bëhet me niseshte e me sheqer ose edhe me arra a me bajame dhe që ndahet në copa të vogla me trajta të ndryshme; një copë prej kësaj ëmbëlsirë. Llokum me arra (me bajame). Llokum bajamesh llokum që bëhet me brumë bajamesh të shtypura. Kuti me llokume. Llokumin pse është i ëmbël e hanë gjënë e mirë e duan pikërisht se është e tillë. Nuk hamë çdo ditë llokume nuk mund të kemi çdo ditë festa e dëfrime. Llokumja e hasmit (e armikut) e ka helmin brenda (të mbetet në fyt) armiku të merr me të mirë e të josh për të të dëmtuar; mos u beso lajkave e premtimeve të armikut!
2. fig. Ajo që është shumë e dashur dhe e ëmbël.
3. spec. Copë e vogël nga një lëndë plasëse e butë. Llokum dinamiti. Vuri një llokum në vrimën e shkëmbit.
4. si mb., fig. Që është i butë; që është i majmë. Tokën e kemi llokum. Mishi ishte llokum.
5. si mb., fig. Që ta bëjnë gati të tjerët; i përgatitur. E do llokum çdo gjë.
6. si ndajf. Shumë (me mbiemrat i ëmbël, i butë). I ëmbël llokum. Llokum i butë.
✱Sin.: dudë, i butë, i majmë.
♦ Ia dha llokum (në gojë) (dikujt) ia bëri gati çdo gjë, ia krijoi të gjitha lehtësitë dikujt që ai vetë të mos mundohet fare; ia dha në pjatë; ia dha në tabaka; ia dha në tepsi. E ka gojën llokum (dikush) flet mirë e butë, është gojëmbël, është gojëmjaltë; e ka gojën sheqer; nxjerr sheqer nga goja; i buron (i nxjerr, i rrjedh) goja mjaltë (dikujt).

MORENKË

MORÉNK/Ë, ~A f. sh. ~A, ~AT bot. (lat. Morus nigra) Man i zi, dudë.

TRYSA

TRÝSA,~T f. sh. Pjesa e mishtë, ku janë ngulur dhëmbët e dhëmballët, mishi i dhëmbëve. Ha me trysa. I dhembin trysat.
✱Sin.: nullë, nullëz, dudë, zhumbinë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë