Fjalori

Rezultate në përkufizime për “domethënës”

Mëso si ta përdorësh
<<< Kthehu te kërkimi kryesor në fjalor

BUZËGAZ

BUZËGÁZ,~I m. sh. ~E, ~ET Buzagaz, buzëqeshje. Buzëgaz i trishtë. S’e heq buzëgazin fytyre. Nuk mund të kishte buzëgaz më domethënës.

DOMETHËNSHËM

DOMETHËNSH/ËM (i),~ME (e) mb. Domethënës. Ishte i domethënshëm.

DOMETHËNËS

DOMETHËNËS,~E mb. Që të lë të kuptosh mjaft, që ka domethënie; që është me shumë kuptim, kuptimplotë. Fakt domethënës. Në mënyrë domethënëse. Është domethënëse.

KUPTIMPLOTË

KUPTIMPLÓT/Ë,~E mb. 1. Që ka kuptim të plotë; që do të thotë shumë; domethënës. Shembull (tregues) kuptimplotë. Është kuptimplotë.
2. libr. Që ka kuptim leksikor të qartë e të saktë. Fjalë (shprehje) kuptimplote.

SHËNUESHËM

SHËNÚESH/ËM (i) ~ME (e) mb. 1. Që është i madh, i rëndësishëm; që shquhet, që bie në sy, që meriton të merret në konsideratë. Rezultate të shënueshme. Vlera të shënueshme. Ndryshime të shënueshme. Përkrahje e shënueshme. Tipare të shënueshme. Në mënyrë të shënueshme.
2. Që është i shquar, i shënuar. Festa të shënueshme. Përvjetor i shënueshëm. Datë e shënueshme. Ngjarja më e shënueshme e kombit.
✱Sin.: i shënuar, i paharrueshëm, i përmendur, i kujtueshëm, domethënës, i rëndësishëm.

SIMPTOMATIK

SIMPTOMATÍK,~E mb. 1. mjek. Që ka të bëjë me simptomat; që zhduk ose lehtëson shfaqjet e jashtme të sëmundjes. Mjekim simptomatik.
2. libr. Që ka shenjat e jashtme të një gjendjeje të posaçme; që paraqet shenjat e diçkaje, kuptimplotë, domethënës. Ky është një fakt simptomatik për ne. Është diçka e vogël, por simptomatike.

TIPIK

TIPÍK,~E mb. 1. Që mbahet si përfaqësues i grupit të vet, që ka a që mishëron në vetvete veçoritë kryesore dalluese të grupit të vet, që përbën tip; tipësor, përfaqësues, domethënës, i veçantë. Vend tipik. Qytet tipik. Shtëpi tipike. Fytyrë tipike.
2. Që karakterizon saktësisht një tip; që del i natyrshëm nga rrethanat, që në rrethana të njëjta e ndeshim shpesh, i zakonshëm. Gabime tipike. Shembull (rast) tipik. Rrethana tipike. Stil tipik.
3. let., art. Që mishëron artistikisht veçoritë e përbashkëta e më thelbësore të një grupi shoqëror, të një klase, të një kombi a të dukurive në një periudhë të caktuar historike, që bëhet përfaqësues i tyre, që është origjinal. Hero tipik. Personazhe tipike në rrethana tipike. Lahuta është vegël muzikore tipike. Plisi është mbulesë koke tipike shqiptare. Stilizimi i shqiponjës me pëllëmbë është tipike shqiptare.
✱Sin.: tipësor, përfaqësues, domethënës, i veçantë, i zakonshëm, përfaqësues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë