Fjalori

Rezultate në përkufizime për “dokumentuar”

Mëso si ta përdorësh
<<< Kthehu te kërkimi kryesor në fjalor

ARKEOLOGJIKISHT

ARKEOLOGJIKÍSHT ndajf. Nga pikëpamja arkeologjike, sipas mënyrës ose perspektivës arkeologjike. U shqyrtua arkeologjikisht. Arkeologjikisht i dokumentuar. Interpretim i hollë arkeologjikisht.

ATESTUAR

ATESTÚAR (i, e) mb. Që njihet ose që pranohet ligjërisht (për një diplomë, një titull, një gradë etj.) me anë të një dëshmie, certifikate, vërtetimi. Diplomë e atestuar. Certifikim i atestuar.
✱Sin.: i certifikuar, i njohur, i pranuar, i dëshmuar, i vërtetuar, i konfirmuar, i verifikuar, i dokumentuar.

DOKUMENTOHET

►DOKUMENT/ÓHET jovep., ~ÚA (u), ~ÚAR pës., vet. v. III e DOKUMENTÓJ. Janë dokumentuar të gjitha. Kjo s'mund të dokumentohet. Dokumentohet qartë (mirë, plotësisht).

DOKUMENTUAR

DOKUMENTÚAR (i, e) mb. Që mbështetet e vërtetohet me dokumente të shkruara; që është i vërtetë; kund. i padokumentuar. Ngjarje e dokumentuar.

EPIGRAFI

EPIGRAFÍ,~A f. 1. Degë e arkeologjisë që studion mbishkrimet e vjetra. Bazat e epigrafisë. Vijues i traditës së studimeve në fushën e epigrafisë. Për epigrafinë kjo vulë paraqet shumë interes. Kontributi i tij në epigrafinë e kishave dhe ikonave të Shqipërisë.
2. Tërësi e epigrafeve në një gjuhë a qytetërim të caktuar. Burim i besueshëm për të dokumentuar epigrafinë e mbijetuar të antikitetit klasik. Epigrafia bizantine. Epigrafia paleokristiane.

MOSDOKUMENTIM

MOSDOKUMENTÍM,~I m. Pamundësi, paaftësi ose kundërshtim për të dokumentuar diçka; veprimi dhe gjendja kur nuk e dokumentoj ose kur nuk dokumentohet diçka; kund. dokumentim. Mosdokumentimi i shpenzimeve me fatura.

PADOKUMENTUAR

PADOKUMENTÚAR (i, e) mb. Që nuk është i dokumentuar; që nuk është dokumentuar; kund. i dokumentuar. Ngjarje e padokumentuar. Histori mijëvjeçare e padokumentuar.

SPELEOGRAFI

SPELEOGRAFÍ,~A f., gjeol. Shkenca që merret me përshkrimin e shpellave dhe të hapësirave nëntokësore; fushë që përfshin krijimin e hartave dhe regjistrimin e karakteristikave të shpellave për të ndihmuar në kuptimin e strukturave të brendshme dhe formacioneve të tyre. Speleografia përfshin krijimin e hartave të detajuara të shpellave për të dokumentuar strukturat dhe formacionet brenda tyre.

STENODAKTILOGRAFIST

STENODAKTILOGRAFÍST,~I m. sh. ~Ë, ~ËT Daktilografist që punon me makinë stenografike. Stenodaktilografísti po shkruante me shpejtësi, për të dokumentuar çdo fjalë që po diskutohej në takim. Nxënësit po trajnoheshin për t’u bërë stenodaktilografístë, duke përvetësuar teknika të shkrimit të shpejtë.

TERMINOLOGJIKISHT

TERMINOLOGJIKÍSHT ndajf. Nga ana terminologjike, në mënyrë terminologjike, në kuptimin terminologjik. Shqipja është gjuhë e dokumentuar terminologjikisht.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë