Fjalori

Rezultate në përkufizime për “doktoratë”

Mëso si ta përdorësh
<<< Kthehu te kërkimi kryesor në fjalor

ASPIRANTE

ASPIRÁNT/E,~JA f. sh. ~E, ~ET 1. usht. Ushtarake me gradë midis nënoficerit dhe oficerit. Aspirante e porsazgjedhur.
2. Ajo që përgatitet për veprimtari shkencore e mësimore pranë një shkolle të lartë a një institucioni shkencor, pasi ka kryer studimet e larta (në disa vende). Aspirante për doktoratë.

DOKTORATURË

DOKTORATÚR/Ë,~A f. sh. ~A, ~AT Doktoratë. Punim për doktoraturë. Studimet e doktoraturës. Ka mbrojtur doktoraturën në këtë fushë.

TEZË

TÉZ/Ë,~A f. sh. ~A, ~AT 1. logj., filoz. Gjykim a parim, vërtetësia e të cilit duhet provuar e duhet treguar; pikëpamje a ide që shtrohet si e vërtetë dhe mbrohet me anë të disa argumenteve. Shtroi (parashtroi) tezën. Paraqiti (mbrojti, mbështeti, argumentoi) një tezë. Teza, kundërteza (antiteza) dhe sinteza.
2. Përfundim teorik që nxirret nëpërmjet përfundimit shkencor të disa të dhënave dhe që jep në mënyrë të përmbledhur një ide; pikëpamje a opinion i dikujt (i një dijetari, filozofi, shkrimtari, politikani) për një çështje të caktuar. Mbron tezën e prejardhjes ilire.
3. Fletë letre me pyetje që duhet t’u përgjigjet nxënësi a studenti në provim, biletë. Tezë e lehtë. Tezë e vështirë. Teza e provimit.
✱Sin.: ide, pikëpamje, opinion, teori, argument, libër, biletë, diplomë, doktoratë, disertacion.

TROPOLOGJI

TROPOLOGJÍ,~A f., let. Fushë studimi i figurave stilistike të gjuhës, që përdorin ndryshime në kuptim ose përdorim metaforik të fjalëve, për të arritur një efekt të caktuar;përdorim i figurshëm i gjuhës. Doktoratë në lëmin e tropologjisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë