Fjalori

Rezultate në përkufizime për “djathtësi”

Mëso si ta përdorësh
<<< Kthehu te kërkimi kryesor në fjalor

DJATHTËSI

DJATHTËSÍ,~A f. 1. vjet. Shkathtësia e gjymtyrëve të trupit dhe e shqisave; zotësi, aftësi e veçantë për të kryer një punë. Djathtësia e lëvizjeve. Kishte (tregonte) djathtësi.
2. vet. sh. ~, ~TË Lëndë mësimore në shkollën nëntëvjeçare që zhvillojnë shkathtësinë e gjymtyrëve e të shqisave, rritin aftësitë etj. (p.sh. vizatimi, muzika, etj.). Orët e djathtësive. Mësuesit e djathtësive.

SHKATHTËSI

SHKATHTËSÍ,~A f. zakon nj. 1. Të qenët i shkathët e i shpejtë në veprimet e lëvizjet që bën; tipar i atij që është i shkathët, zhdërvjelltësi; kund. ngathtësi. Me shkathtësi të madhe. Shkathtësia e duarve (e mendjes). Shkathtësi profesionale. Tregoi shkathtësi. Vepron (përgjigjet) me shkathtësi. Shkathtësi për jetën. Manovrim me shkathtësi. Shkathtësi digjitale.
2. Lloj aftësie e fituar për të kryer veprimtari të caktuara (që zakonisht lidhen me të shkruarit e të lexuarit), zotësi. Krijoj shprehi e shkathtësi. Shkathtësi në të lexuar.
✱Sin.: zhdërvjelltësi, veleti, mprehtësi, lëvizshmëri, marifet, qerratallëk, djathtësi, aftësi, zotësi.

ZOTËSI

ZOTËSÍ,~A f. Aftësia që ka dikush për të kryer diçka, të qenët i zoti; kund. pazotësi. Zotësi e rrallë. Zotësi në punë. Tregoi zotësi. Duhet zotësi. E përdor me zotësi. Me një zotësi të rrallë mundi t’u shpëtojë goditjeve të rrufeshme të shpatave. Drejton (udhëheq) me zotësi. Nuk i mungon zotësia. Në atë vend e ka çuar zotësia. Mos i shiko bukurinë, po çmoji zotësinë. (fj. u.).
✱Sin.: aftësi, prirje, shkathtësi, mjeshtëri, djathtësi, kapacitet, kërçik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë