Fjalori

Rezultate në përkufizime për “disiplinor”

Mëso si ta përdorësh
<<< Kthehu te kërkimi kryesor në fjalor

ARREST

ARRÉST,~I m. sh. ~E, ~ET drejt. 1. Paraburgim, ndalim, mbajtje e përkohshme nën rojë e një personi nga autoritetet ligjore, zakonisht nga policia, për shkak të dyshimit për kryerjen e një krimi ose të shkeljes së ligjit; ndëshkim disiplinor për ushtarakët, duke i mbajtur të mbyllur në një vend për një kohë të caktuar. Është në arrest me burg. Arrest disiplinor. Arrest kazerme. Mban (vë) në arrest. Caktoi arrest. Arrest legal. U krye arresti. Vendosja në arrest.
2. Masë ligjore që ndërmerret për të siguruar që një person do të paraqitet përpara drejtësisë, që të mos arratiset dhe të mos pengojë hetimet. Arrest shtëpie. Masë e arrestit shtëpiak. Arrest me burg.
✱Sin.: paraburgim, burgim, burgosje, ndalim, arrestim, ndëshkim.

DISIPLINOR

DISIPLINÓR,~EI mb. 1. Që lidhet me disiplinën; i disiplinës. Edukim disiplinor. Shkelje disiplinore.
2. Që synon të vendosë a të forcojë disiplinën. Komision disiplinor. Masa disiplinore. Kolegj (këshill) disiplinor.

DISIPLINUES

DISIPLINÚES,~E mb. Që ka për qëllim të vendosë disiplinën, që disiplinon; disiplinor. Masë disiplinuese. Rol disiplinues. Forcë disiplinuese.

NDËSHKIM

NDËSHKÍM,~I m. sh. ~E, ~ET 1. Veprimi kur ndëshkoj ose kur ndëshkohem. Ndëshkimi i fajtorëve. Ndëshkimi i veprave kriminale.
2. Masë dënimi që merret kundër dikujt për një faj, dënim. Ndëshkim i lehtë (i rëndë, i rreptë). Ndëshkim maksimal. Ndëshkim për korrupsion. Ndëshkime trupore (fizike). Ndëshkim disiplinor. Ndëshkim i veprave kriminale. Ndëshkim administrativ. Ndëshkim politik. Ndëshkim me gjobë. Vuan ndëshkimin.
✱Sin.: shpagim, dënim, gjobë, shembull, shitë, shuplakje, të shuplakur, të ndëshkuar, të shituar, xheza.

PROCESMBAJTËS

PROCESMBÁJTËS,~I m. sh. ~, ~IT Ai që mban një procesverbal në një mbledhje, në një takim, në një seancë gjyqësore etj. Ishte caktuar procesmbajtësi i dëgjimeve buxhetore. Procesmbajtësi i komisionit disiplinor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë