Fjalori

Rezultate në përkufizime për “dishepull”

Mëso si ta përdorësh
<<< Kthehu te kërkimi kryesor në fjalor

APOSTULL

APÓSTU/LL,~LLI m. sh. ~J, ~JT fet. 1. Secili nga dymbëdhjetë dishepujt e zgjedhur prej Krishtit për të qenë dëshmitarë të jetës, mësimit, vdekjes dhe ringjalljes së Krishtit dhe për të përhapur ungjillin; libër fetar ku tregohet veprimtaria e tyre. Ai i thirri apostujt të rrinin me të. Apostujt udhëtuan në shumë qytete. Darka e fundit me apostujt.
2. Shenjtor apo misionar që i është përkushtuar përhapjes së besimit të krishterë; misionari i parë që ka sjellë krishterimin në një vend. Apostujt e shenjtë.
3. fig. Ai që i përkushtohet me zell të madh një ideje, një kauze ose një misioni shoqëror. Apostulli i pajtimit të gjaqeve. Apostujt e demokracisë. Apostull i lirisë (i së vërtetës). Apostull i dijes.
✱Sin.: predikues, dishepull, ithtar, nxënës, pasues, ndjekës, mbrojtës, mbështetës, përkrahës.

DISHEPULL

DISHÉPU/LL,~LLI m. sh. ~J, ~JT Nxënës a pasues i një mendimtari a i një mjeshtri të shquar; ai që ndjek doktrinën e një tjetri; ithtar. Dishepull besnik.

ITHTAR

ITHTÁR,~I m. sh. ~Ë, ~ËT Ai që ndjek me vetëdije një drejtim të caktuar në fushën e mendimit, ai që u përmbahet parimeve dhe pikëpamjeve të një rryme filozofike, politike, letrare, artistike, shkencore etj. ose të një doktrine të caktuar; përkrahës i mendimeve e i pikëpamjeve të dikujt, nxënës e ndjekës i mësimeve të tij, përkrahës, pasues, ndjekës. Ithtar i flaktë.
✱Sin.: përkrahës, pasues, ndjekës, partizan, adhurues, dishepull, nxënës.

PASUES

PASÚES,~I m. sh. ~, ~IT Ndjekës ose përkrahës i ideve, i pikëpamjeve e i veprimtarisë së dikujt; ithtar. Pasues i flaktë. Pasuesit e rilindësve.
✱Sin.: ndjekës, vijues, pasardhës, vazhdues, përkrahës, ithtar, partizan, adhurues, nxënës, dishepull.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë