Fjalori

Rezultate në përkufizime për “direkt”

Mëso si ta përdorësh
<<< Kthehu te kërkimi kryesor në fjalor

DIREKT

DIRÉKT ndajf. Drejtpërdrejt, drejtpërsëdrejti, drejt; pa ndërmjetësinë e dikujt a të diçkaje tjetër; kund. tërthorazi. Ndikon direkt. Shfaqet direkt. Jepet direkt. E pyeti direkt.

DORËPËRDORSHËM

DORËPËRDÓRSH/ËM (i),~ME (e) mb. I tanipërtanishëm, i sotpërsotshëm; kund. i përhershëm. Mendimi im i dorëpërdorshëm është që të nisemi direkt.
✱Sin.: i tanipërtanishëm, i hëpërhëshëm, i njëherëpërhershëm, i sotpërsotshëm

GJUMËLEHTË

GJUMËLÉHT/Ë,~I m. sh. ~Ë, ~ËT Ai që e ka gjumin të lehtë. Gjumëlehti zgjohet direkt.

MENAXHOJ

MENAXH/ÓJ vep., ~ÓVA, ~ÚAR kal. 1. Drejtoj, kontrolloj, administroj (për dikë apo për diçka). Ka si detyrë të menaxhojë stafin që është i përfshirë direkt në rrjetin e shitjes. Menaxhonte paratë e kompanisë. E menaxhoi mirë situatën (konfliktin, pandeminë). Këshilla për të menaxhuar kuriozitetin e fëmijëve.
2. Kam si detyrë a si profesion të kujdesem dhe të rregulloj problemet profesionale të një artisti, sportisti etj.

MURAL

MURÁL,~E mb. 1. Që është vepër arti e bërë direkt mbi mur (për vizatimet, pikturat, afresket, mbishkrimet, gdhendjet). Në faqet e ndërtesës kishte piktura të mëdha murale. Shkrime murale. Mbishkrime murale.
2. Që lidhet me veprat e artit të bëra direkt në mur. Vepra e kulturës murale.

MURAL

MURÁL,~I m. sh. ~E, ~ET Vepër arti e bërë direkt në mur (vizatim, pikturë, afresk, mbishkrim, gdhendje). Muralet ishin të fshira përgjysmë.

NAVIGOJ

NAVIG/ÓJ vep., ~ÓVA, ~ÚAR kal. 1. Lundroj. Anija navigon drejt portit.
2. Marr informacion dhe udhëzime teknike në lidhje me udhëtimin, transportin në ujë, në ajër, në hapësirë. Shoferët mund të navigojnë direkt në destinacionet e tyre duke përdorur navigator të integruar.
3. inf. Marr informacion duke kaluar një faqe interneti në tjetrën, lundroj në internet. Shtyjnë orët duke naviguar në internet. Këshilla për të naviguar në internet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë