Fjalori

Rezultate në përkufizime për “dimension”

Mëso si ta përdorësh
<<< Kthehu te kërkimi kryesor në fjalor

DIMENSION

DIMENSIÓN,~I m. sh. ~E, ~ET Përmasë. Dimension tjetër. Dimensionin të reja. Dimension ekonomik dhe social. Dimension origjinal.

DIMENSIONOHET

►DIMENSION/ÓHET jovep., ~ÚA (u), ~ÚAR vetv., kryes. v. III. I përcaktohet dimensioni diçkaje (një hapësire, një objekti, një plani etj). Dimensionohet qartë. Dhoma dimensionohet sipas standardeve të ndërtimit. Dimensionohet hapësira e blertë.

DIMENSIONOJ

DIMENSION/ÓJ vep., ~ÓVA, ~ÚAR kal. 1. Caktoj përmasat a shtrirjen e diçkaje. Dimensionoj panelet (soletat). Dimensionoj hapësirat e brendshme.
2. fig. I rrit rëndësinë diçka, e bëj më të vlefshme. Të dimensionojmë rolin e tyre.

MATANSHËM

MATÁNSH/ËM (i), ~ME (e) mb. 1. Që është në anën tjetër të një vendi, që ndodhet në anën e përtejme, që është matanë; i anës tjetër, i përtejshëm. Banorët e matanshëm. Në bregun e matanshëm të lumit. Jetoj në anën e matanshme të qytetit. Heshtjen e matanshme e mbuluan tingujt e muzikës.
2. I largët. Qielli u bë më i përtejmë. Poetja bëhet më e matanshme, më mistike.
3. Që lidhet me anën tjetër të një fakti a dukurie. Realiteti i matanshëm i një bote tjetër shpirtërore. Kohët e matanshme të vendit. Paraqet një botëkuptim (dimension) të matanshëm.
4. Që i takon botës tjetër, që lidhet me jetën pas vdekjes; që është në botën e përtejme. Flet për botën e matanshme. Kaloi në botën e matanshme.
✱Sin.: i përtejshëm, i largët, i përtejmë.

MULTIDIMENSIONAL

MULTIDIMENSIONÁL,~E mb. 1. Që ka më shumë se një dimension, që përmban dimensione të ndryshme, shumëdimensional.
2. Shumëpërmasor.

NDËRJETËSUAR

NDËRJETËSÚAR (i, e) mb., libr. Që është ndërjetësuar, që ka marrë jetë. Njeriu i ndërjetësuar me natyrën. Dimension i ndërjetësuar në jetën e një komuniteti të largët.

PËRMASË

PËRMÁS/Ë,~A f. kryes. sh. ~A, ~AT 1. Shtrirja e një trupi në gjatësi e në gjerësi ose në lartësi. Me përmasa të mëdha. Tri përmasat e trupave të ngurtë.
2. Madhësia e diçkaje, e matur në kufijtë e vet. Përmasat e dhomës (e shtëpisë, e godinës). Ia zmadhoi (ia zvogëloi) përmasat diçkaje. I gjej përmasat.
3. fig. Shkalla e zhvillimit ose madhësia që ka arritur një gjë a një dukuri, përpjesëtim. Përmasa të jashtëzakonshme. Përmasat e zhvillimit demokratik (shoqëror, kulturor, arsimor). Lëvizje me përmasa të gjera.
✱Sin.: masë, dimension, përpjesëtim, madhësi, shkallë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë