Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AMATÓR,~I m. sh. ~Ë, ~ËT libr. 1. Ai që është dhënë pas diçkaje me dëshirë e me dashuri, pa e pasur profesion. Amator në pikturë. Amator i fotografisë. Amatorët e radios (e kinemasë). Amator i muzikës popullore.
2. Ai që merret me një lloj sporti ose me një lloj arti pa e pasur si profesion, por duke pasur prirje për të. Amatorët e grupeve artistike. Grupi i amatorëve. Shoqata e amatorëve.
3. Ai që merret me një punë, pa pasur ndonjë përgatitje të veçantë për të; joprofesionist, fillestar. Amator në shkencë. Diskutim i amatorit. Punë e amatorit. Është amator.
✱Sin.: fillestar, diletant, joprofesionist.
AMATÓR,~E mb., libr. 1. Që merret me art, me sport a me një punë tjetër pa e pasur profesion; kund. profesional. Aktor amator. Piktor amator. Solist amator i muzikës Teatri amator. Sportist amator.
2. Që ka të bëjë me amatorët, që bëhet prej amatorëve, i amatoreve, joprofesional, joprofesionist. Lëvizja artistike amatore. Grupet amatore. Klub amator i gjuetarëve. Aktivitete amatore.
✱Sin.: fillestar, diletant, joprofesionist.
DILETÁNT,~I m. sh. ~Ë, ~ËT 1. Ai që është i dhënë pas diçkaje; amator. Grupet e diletantëve. Shfaqja e diletantëve.
2. keq. Ai që merret me veprimtari në fushën e shkencës, të artit, të teknikës etj. pa pasur përgatitjen e veçantë që nevojitet, pa pasur njohuri të plota e të thella. Punë diletanti. Ra në duar diletanti. Është diletant në matematikë (në gjuhësi, në filozofi, në politikë).
PORDHËMÁDH,~E mb., edhe fig., shar. 1. Pordhaman. Diletant pordhëmadh. Ai njihej si sfidues dhe pordhëmadh.
2. si em. m. e f. Sipas kuptimit të mbiemrit.
PROFESIONÍST,~I m. sh. ~Ë, ~ËT 1. Ai që e ushtron një profesion duke pasur përgatitje të veçantë. Profesionist krasitjeje.
2. Ai që është i përgatitur mirë për mjeshtërinë e vet; kund. amator; diletant. Profesionist i mirë. Profesionistët dhe amatorët.
✱Sin.: mjeshtër, specialist.
PROFESIONÍST,~E mb. Që ushtron një profesion duke pasur përgatitje të veçantë; që ka përgatitje të mirë për mjeshtërinë e vet; që ka të bëjë me profesionistët, që bëhet nga profesionistët, i profesionistëve; kund. amator; diletant. Artist (këngëtar) profesionist. Futbollist (basketbollist, notar, zhytës) profesionist.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë