Fjalori

Rezultate në përkufizime për “dilemë”

Mëso si ta përdorësh
<<< Kthehu te kërkimi kryesor në fjalor

AUSHVICIAN

AUSHVICIÁN,~E mb. Që ka të bëjë me kampin e përqendrimit gjatë Luftës së Dytë Botërore në Aushvic; i Aushvicit. Dilemë aushviciane dysia aushviciane se ose punon shumë e shpreson të fitosh lirinë, ose përfundon në kremator për t’u djegur i gjallë.

CARRNJATJE

CARRNJÁTJ/E,~A f. sh. ~E, ~ET 1. Veprimi kur carrnjat dikë a kur carrnjatem.
2. Gjendja kur je i pavendosur ose i pasigurt për diçka, mëdyshje. Carrnjatjet e vazhdueshme e pengonin të merrte vendimin e duhur.
✱Sin.: lëkundje, ndërdyshje, dilemë, ngurrim, hezitim.

CUPITJE

CUPÍTJ/E,~A f. sh. ~E, ~ET 1.Veprimi i të cupiturit.
2. Të lëshuarit goja lëng.
3. edhe fig. Të qenët me dy mendje ose në dilemë.

CUPITSHËM

CUPÍTSHËM ndajf. Mëdyshas; në dilemë. E vështroi cupitshëm.

DILEMË

DILÉM/Ë,~A f. sh. ~A, ~AT 1. logj. Gjykim a mendim që për të njëjtën gjë përmban dy teza, dy zgjidhje të kundërta, prej të cilave duhet zgjedhur vetëm njëra, pasi përjashtohet çdo zgjidhje e tretë; mëdyshje. Dashuria është çelësi i artë i dilemës njerëzore. (fj. u.).
2. libr. Gjendje e vështirë, kur dikush duhet të zgjedhë njërën nga dy mundësitë ose nga dy gjërat e kundërta a të ndryshme që i paraqiten. Dilemë e vështirë. Është në dilemë. E vuri përpara një dileme. E zgjidhi dilemën.
♦ Nuk i dilet *përpara (dikujt a diçkaje).

DOMËN

DÓM/ËN,~NAI f. sh. ~NA, ~NAT vjet., krahin. Të qenët i pavendosur; dilemë, dyshim. Jam ndër domna. Nëpër (ndër) domna dyshtas; me ngurrim; në dyshim.
✱Sin.: mëdyshje, dilemë, pasiguri, dyshim.

DYSHIM

DYSHÍM,~I m. sh. ~E, ~ET 1. Veprimi kur dyshoj për dikë a për diçka; pasiguri, lëkundje e mosbesim për vërtetësinë ose për saktësinë e diçkaje, për mundësinë e plotësimit të një pune etj. Dyshim i pathemeltë (i kotë). Ndjenja e dyshimit. Pa asnjë dyshim (pa pikë dyshimi) sigurisht, me siguri, patjetër. S'ka dyshim që... (se...) me siguri që..., sigurisht që..., patjetër që... Ka një dyshim të vogël. Ka shumë dyshim.
2. Gjendja kur jam i dyshuar ose kur dyshoj për dikë a për diçka; gjendja kur dyshoj; ndjenjë pasigurie, lëkundjeje e mosbesimi për dikë a për diçka. E ha (e bren, e mundon) dyshimi. Shpreh (heq) dyshimin. S’lë asnjë dyshim. Vë (vihet) në dyshim. Bie në dyshim. Pret (sheh) me dyshim. - Lëri dyshimet! Kishte disa dyshime. U çlirua nga dyshimet.
3. Mendimi se dikush nuk është ndoshta aq i mirë sa duket, mendimi pak a shumë i bazuar se dikush është njeri jo i mirë; të menduarit keq për dikë a për diçka. Ka dyshim (për dikë). I ngjall dyshim. Ka dyshime të shumta. Mbi të bie dyshimi.
✱Sin.: hamendësim, supozim, mëdyshje, ndërdyshje, dilemë, dyzim, merak.

SHIL

SHIL,~I m., krahin. 1. Dëshirë, ëndje; epsh. E ka zënë shili për të kërcyer. Ka shil për punë.
2. Lëkundje besimi, dyshim. Më ha shili tek ai.
✱Sin.: dashje, hir, ëndje, kënaqësi, qejf, mirakande, hamendësim, supozim, ndërdyshje, dilemë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë