Fjalori

Rezultate në përkufizime për “dijekeq”

Mëso si ta përdorësh
<<< Kthehu te kërkimi kryesor në fjalor

DARKËDREQ

DARKËDRÉQ,~E mb., bised. 1. I djallëzuar, i prapë, i prirur për të bërë prapësira, që e ka shejtanin në bark. Djalë darkëdreq.
2. si em. m. e f. Sipas kuptimit të mbiemrit. Të gjitha i bën ai darkëdreqi.
✱Sin.: i djallëzuar, djallëzor, dijekeq, dinak, i dreqnuar, hamadreq, i prapë, i paudhë, shejtan.

DIJEKEQ

DIJEKÉQ,~E mb. 1. Që i shkon mendja për keq, që e ka me djallëzi a me qëllim të keq; i djallëzuar, dhelparak; është si shejtani i përroit; kund. i padjallëzuar. Interpretim dijekeq. Element dijekeq. Ishte frymëzuar nga një qëllim dijekeq.
2. si em. m. e f. Sipas kuptimit të mbiemrit. Mashtrimi i një dijekeqi.

DIJEKEQËSI

DIJEKEQËSÍ,~A f., libr. Të qenët dijekeq; djallëzi, dhelpëri.

DJALLËZOR

DJALLËZÓR,~E mb. 1. I djallëzuar. Njeri djallëzor. Tip djallëzor.
2. Që bëhet tinëz e në mënyrë të pabesë për të ngatërruar a për të mashtruar të tjerët, për t’ia arritur një qëllimi në rrugë jo të ndershme e të hapët; që ka synime të këqija e të errëta; që është karakteristike për një njeri të djallëzuar; që shpreh djallëzi; shumë i keq e i rrezikshëm. Plan (qëllim) djallëzor. Përpjekje (vepër, akuzë) djallëzore. Mendime (synime, veprime) djallëzore. Politikë djallëzore. Manovra (komplote) djallëzore. Buzëqeshje djallëzore. Vështrim djallëzor.
✱Sin.: i djallëzuar, i paudhë, dijekeq, hamadreq.

DJALLËZUAR

DJALLËZÚAR (i, e) mb. Që vepron e sillet me djallëzi; që ka qëllime e synime të këqija dhe përpiqet t'i arrijë ato duke përdorur mashtrime e dhelpëri; dijekeq; kund. i padjallëzuar. Është shumë i djallëzuar.
✱Sin.: djallëzor, i dreqnuar, shejtan, qerrata, i paudhë, dijekeq, hamadreq, dinak.

HAMADREQ

HAMADRÉQ,~E mb., krahin. 1. Që merret vetëm me punë të liga.
2. Që është i djallëzuar, që vepron e sillet me djallëzi, hileqar.
3. Që është kokëshkretë dhe merr rrezikun për veprimet që bën. Është djalë hamadreq.
4. Që nuk e vret mendjen; që është ku rafsha mos u vrafsha; aventurier. Shoqëri hamadreqe.
✱Sin.: djallëzor, shejtan, dijekeq, hamadreq, dinak, dhelpërak, hileqar, qerrata, dreqpunuar, guximtar, i patrembur, burrëror, trimosh, kokëkrisur, kokëshkretë, aventurier.

SHKANDULL

SHKÁNDULL mb. 1. Që është i djallëzuar; dhelparak. Djalë shkandull. Vajzë shkandull.
2. Që është i prapë; që nuk lë dy gurë bashkë (zakonisht për fëmijët). Fëmijë shkandull.
✱Sin.: djallëzor, dhelparak, dijekeq, dinak, i prapë, i vështirë, i paudhë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë