Fjalori

Rezultate në përkufizime për “dibran”

Mëso si ta përdorësh
<<< Kthehu te kërkimi kryesor në fjalor

ARDHËTAR

ARDHËTÁR,~I m. kryes. sh. ~Ë, ~ËT vjet. Mjeshtër; zanatçi, zejtar. Ardhëtar i zoti. Ardhëtarët dibranë.

DIBRAN

DIBRÁN,~E mb. Që lidhet me Dibrën ose me dibranët, që është karakteristik për Dibrën ose për dibranët, i Dibrës ose i dibranëve; që është krijuar nga dibranët. Fshatarët dibranë. Familje dibrane. Veshje dibrane. Valle (këngë) dibrane. Dasmë dibrane. Odat dibrane.

DIBRAN

DIBRÁN,~I m. sh. ~Ë, ~ËT Banor a vendës nga Dibra ose ai që e ka prejardhjen nga Dibra. Mikpritja (trimëria) e dibranëve. Dibranët shquhen për trimëri e atdhedashuri.

DIBRANE

DIBRÁN/E,~IA f. sh. ~E, ~ET Banore a vendase nga Dibra ose ajo që e ka prejardhjen nga Dibra. Gatimet e dibraneve.

DIBRANISHT

DIBRANÍSHT ndajf. Dibrançe, si dibranët. Flet bukur dibranisht.

DIBRANÇE

DIBRÁNÇE mb. Që bëhet, që këndohet, që luhet etj. sipas mënyrës së dibranëve; që e mbajnë a e veshin dibranët. Valle (këngë) dibrançe. Veshje dibrançe. Kala dibrançe lojë me disa veta të ndarë në dy grupe, njëri prej të cilëve formon një rreth me lojtarë të kapur për beli e të përkulur, ndërsa lojtarët e grupit tjetër përpiqen të hipin në shpinë të tyre pa u prekur nga një lojtar i lirë.

DIBRANÇE

DIBRÁNÇE ndajf. Sipas mënyrës së dibranëve, ashtu siç e bëjnë dibranët; në të folmen e Dibrës. Kërcen dibrançe. Përgjigje dibrançe.

PLISAR

PLISÁR,~I m. sh. ~Ë, ~ËT Plistar. Plisarët prizrenas (shkodranë, dibranë).

SHEQERXHI

SHEQERXHÍ,~U m. sh. ~NJ, ~NJTË vjet. Ai që bënte dhe shiste sheqerka e ëmbëlsira të ndryshme; ëmbëltor, sheqertar. Sheqerxhinjtë dibranë. Punonte si sheqerxhi. Dyqani i sheqerxhiut. Ishin shtuar sheqerxhinjtë.
✱Sin.: sheqertar, ëmbëltor, pastiçer.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë